تويت
بويه لا لتروح مووكت الرحيل
....
....
بويه ادري الموت حك اعله الجميع
وادري بيهه حمكت الباري السميع
لجن يابويه مــن بعــدك اضيــع
وبعـد هاليله تفطرلي الدليـل
.....
.....
بويه هاي الناس ماليهه الحقـد
وكلهه متنطره يالهادي تهـد
وبسلب حكي كلهه تنسعـد
وكلهه بويه مبغضه لحامي دخيل
.......
.......
بويه هاي الناس ماعـدهه رحـم
وابـد ماعدهم يبويه كـل شـيم
شترتجي من ناس سجدت للصنم
والله ادريهم ينكرون الجميل
.......
.......
بويه هاي الناس مايلزمهه دين
وابــد ماخافت رب العالمـين
وعالغدر يطاهه ذوله امعلمين
وباجر ايحاسبهم الباري الجليل
.......
.......
بويه تدري اتنادسوا برض الغدير
مارضوا من كلت حيدركم امـير
وهالمسه عــدهم يابويه نـثـيـر
وانت متمد مالك كل معيل
.......
.......
بس علي يمك ياسيد البشر
ايدير بعيونه ودموعه نهر
محني يابويه والضهر انكسر
ولاجمه امصابك وادموعه يسيل