إعـــــــلان

تقليص
لا يوجد إعلان حتى الآن.

وين السفر وين ييمه لاتعوفيني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وين السفر وين ييمه لاتعوفيني

    وين السفر وين ييمه لاتعوفيني

    ماأحمل أفراك فدوه لاتــتركيني

    روحي بعدج اتروح .. وكلبي يشكي الجروح

    لاتعوفيني
    .......


    ييمه اكبال عينج انه زينب

    دشوفيني ييمه حالي يصعب

    أضل بعدج يتيمه وناري تلهب

    واضل طول العمر بجفاج انحب

    منهو الي يمسح دمعاتي ويهديني

    لوغبتي عني هالجمره تئجويني

    ودمعي يبقه مسفوح .. وكلبي يشكي الجروح

    لاتعوفيني
    ........


    ييمه هواي انتي احجيتي اليه

    وكلتي الدنيه راح اتهد عليه

    وراح اتحـمل الالام وأذيــه

    لجن ماكلتي ترحين امن أديه

    ليلي اشيخلصه بعدج ياضوه عيني

    يلي ابحنانج جنــتي انتي تغــطيني

    بعدج تهو الصروح .. وكلبي يشكي الجروح

    لاتعوفيني
    ........


    ييمه اجم صرح بعدج الينهار

    وبغيابج يضل جم كلب محتار

    ووالهم عزيزج حامي الجار

    يضل محني ييمه ليل ونهار

    حني علينه ييمه ولاتعــــوفينه

    وصدكي ابغيابج هالدنيه تأذينه

    وحزني ابعينج ايلوح .. وكلبي يشكي الجروح
    لاتعوفيني
    ........



    ييمه الحسن هذا وهذا الحسين

    ايترجونج ييمه بـــدمعة العــين

    دشوفيهم ييمه اشلون طيرين

    صعبه الفركه نادولج الاثنين

    من الزغر ليش يايمه تيتميهم

    بردي كلبهم ييمه وردي اعليهم

    جنهم طير ومذبوح .. وكلبي يشكي الجروح

    لاتعوفيني
    .........



    ييمه الصبر كولي امنين اجيبه

    أذا كلبي فكـــد اغلى حبــيــبه

    تضل تسعــر نيراني اللهيـــبه

    واعيش ابهالوكت يمه غريبه

    وهالدنيه مااريـــد لوعنج تفاركني

    ومنهو الي غيرج بحزاني يشاركني

    وبعدج اعشك النوح .. وكلبي يشكي مجروح
    لاتعوفيني


    نحن قوم لانبالي بالحياة
    فزرعنا كل شي للمماة
    وسلكنا نهج حيدر والاباة
    رافضين العيش بالذل كالحسين

يعمل...
X