تويت
ابجفه عباس طواهه الغاضريه وصاحت اعداه هجم حامي الحميه
شهم طشر زلمهم ** وصعب ينلم شملهم
وصاحت اعداه هجم حامي الحميه
........
........
يشبه الكرار ابرسمه وفنونه
وما تميزه الناس واليضدونه
نسخه وحده اتكول من يشوفونه
وعن ابـوه والله مايـفرقـونه
ابسيفه مكتوب انا ملك المنيه *** مايئثني ابد لا والزجيه
أبد محد يكحمه *** وعدوه مايرحمه
وصاحت اعداه هجم حامي الحميه
.........
.........
الكنطره تشهد من كطعهه وصاح
انه ابن حيدر قابـض الارواح
واليـلاكيني أبــد مـا يـرتـاح
راسه منه ايطير وعمره منه راح
وصدك سواهه فخرهه الهاشميه *** خل الاجساد تطير اعله الوطيه
سنابل من حصدهم *** تحير وماتعدهم
وصاحت اعداه هجم حامي الحميه
.........
.........
ومن كفل زينب من ابو الشدات
كله ياحيدر لاتــهم هيـهات
درع اصيرالهه لو تجي النكبات
وتدري بيه زين فعل موجلمات
لزينب الروح أقدمهه هديه *** وعهد مني اوفي الي عليه
ودليل انطه الكلامه *** رسم بالطف علامه
وصاحت اعداه هجم حامي الحميه
.........
.........
ابكربله العباس وفه بوعوده
من سمع زينب اتنخة ابجوده
حجه وياه ابزود ومن وصل زوده
وكله اجيب الماي وشمر ازنوده
وصاح شنهي الماي يابت الزجيه *** بعد كولي ادلل يخويه عليه
النهر كله اجيبه *** وادفعهم ضريبه
وصاحت اعداه هجم حامي الحميه
..........
..........
ومن اخذ رخصه من ابو الاكبر
ركب مهره وصاح انه ابن حيدر
منهو يبرزلي ناده عالعسكــر
انـه هــذا انــه ومنهو الي يكدر
ضمت الروس عساكر ال أميه *** ومحد اكباله وكف راعي الحميه
بقه الميدان خالي *** لبن سور المعالي
وصاحت اعداه هجم حامي الحميه
وصاحت اعداه هجم حامي الحميه
تعليق