تويت
ابهيده وياه بلله لوتغسلونه
مايحمل الاه فدوه لاتلجمونه
الساجد كلبه مالوم .. بالطف عاش الهموم
لاتلجمونه
.................
.................
يربي ابحاله انت زين تعلم
عليل وعاش كل دنياه بالهم
وابد ماشاف راحه دمعه من دم
وتاليهه انغدر ياويلي بالسم
وهليله مامات بالطف ميته روحه
ابطرك الجسم ضل ومابطل ابد نوحه
روحه ضلت اتحوم . بالطف عاش الهموم
لاتلجمونه
................
................
يالتغسلونه شوفوا جسمه واشبيه
صـدك اثار سوط أمـطـبعـه بـيـه
وصـدك اثاركـيد اليسـر بـيـديـه
وصدك نار الخيم بالجسم جاويه
كل جسمه لجمات وانتم هالتشوفونه
لودرتوا الماي فدوه لاتصدعـونه
ولجله لبجي اليوم . بالطف عاش الهموم
لاتلجمونه
..........
..........
صـور أهله ابـد مافاركاهـه
ولـوعة كـربله لامانساهـه
كل لحضه التمر عايش اوياهه
ودمـعـتـه جاريه ومابـطـلاهـه
مرعوبه الاطفال كل لحضه يشاهدهه
ابنص الخيم نار ومايـكـدر يخـمـدهه
وحزنه ابكلبه مختوم . بالطف عاش الهموم
لاتلجمونه
..............
لاتلجمونه
..............
يشوف اكبال عينه الطفل ذبحوه
ويشوف حسين بالحومه ينحروه
ويشوف ابخيلهم من صدره رضوه
ويشوف الراس فوك الرمح شالوه
من حكه ياناس لو ماغمضت عينه
بالكدروالهم جان ايخلص اسنينه
وكلبه والله ملجوم . بالطف عاش الهموم
لاتلجمونه
..................
..................
صور عمته اكباله من سبوهه
ولرض الشام حين الي خذوهه
ويهل ابدمعته من يضربوهه
وينادي ابصوت ياجدي ولوهه
ياقالع الباب الحك زينب الليله
تدريني مالوم وجسمي فاكد الحيله
وسيفك جرده اليوم . بالطف عاش الهموم
لاتلجمونه
لاتلجمونه