باابي انت وامي ياحسين

[الشاعر ابو امين الفرطوسي]

باابي انت وامي ياحسين
........................

أغلى مابالكون تدريهم الي

والدي وامي والله وكل هلي

لجن مواغلى منك يالولي

ولجلك افديهم ياسبط الامين
...................

انه منك تدري ماخذني الخجل

لجلي ماعزيت روحك والاهل

كـون ارد لك جـميلك يالامـل

ويبقه ثارك للابد بالركبه دين
..................

تدري بالمديون ليله ماينام

يضل يتكلب يبن خير الانام

وانه الك لازم اسدد باحترام

وابري ذمتي كبال رب العالمين
.............

عالمنيه اركض بزودي وافوت

واقسه موته كون من اجلك اموت

هذا حلمي سيدي واصرخ بصوت

ماعوفك يبن خير المرسلين
.....................

غـيـر اسمك ماحلـه بالسانـي

ابروحي عايش سيدي وترعاني

يلي يـوم الحـشـر ماتـنسانـي

ومثلك الكه وين يالكلك حنين
..................

ابد ماغيرت دربي والمسار

الك مشاي اعتني وبكلبي نار

وبدموع العين رافع هالشعار

مااعوفك لوتكطعني السنين