تويت
((ألى متى))
=***====***=
وين أهل ياليتنا كنّا معك
مايريد حسين منَّه سكوته
أطّانه أبو السجاد للنهضه درس
يريد من الحبَّه همَّة وقوته
اليوم عايش بيه باجر مو أله
وهاي أنفاسه تعّد الموته
رد زمان يزيد سيطر عالعقول
أبحَّر هاي الدنيه صار الحوته
والخسيس أتسلَّط أعله أهل القيم
علينه يطلع كل وقت طاغوته
واليحب حسين نايم بالشمس
والله مايقبل دعاه بقنوته
عيون عنده الاخو عاميهه الرمد
يخاف من ألسانه يطلع صوته
المايخاف الله تسلَّط عالركّاب
وعينه عالمسكين ياكل قوته
هم بعدنه أنتاني حل أمريكا
خطَّهه واضح ماتغيّر الموته
الموت ألنه أحسن ولاذلَّة العار
والوطن وسط الكَلب تابوته
*************