زنجيل زهيري الى الامام علي عليه السلام

[الشاعر محمد العيساوي]

يا باب علم النبي ياقل هو الله احد
ويالسيفك اعله العده امضه السيوف واحد
ابيت الله تم مولدك ما الك سابق احد

نهج النبي منهجك مولاي يابالحسن
مولاي والساء الك طبعك ترد بالحسن
اتركع ابمدرعه وغيرك نعم بالحسن

زاهد عفت دنيتك كتلهه عني ولي
والهل سبب نصبك الله عالكل ولي
غيرك يخير العمل اشباقي عندي ولي

بمخاض امي اسمعت ملهوفه تندب علي
واسمعت رد الصده جاوبهه هينه علي
صرت وكمت اكصدك لو جار وكتي علي

حلال كل الشدد شاهد بكه ماضي لك
ويندار عسره يسر كلمن سعه ماضي لك
من صلب ادم وانه يا ابالحسن ماضي لك

انته الوصي المنتجب بالفضل من عاده لك
سالمت من سالمك عاديت من عاده لك
احسابي يوم الحشر مولاي لو عاده لك

تشفعلي يا سيدي ياليث بدرً واحد