إعـــــــلان

تقليص
لا يوجد إعلان حتى الآن.

حد الصبر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حد الصبر


    جاز او عبر ----- حده الصبر ----- يم الحسن
    من ينسطر ----- وجه البدر ----- يم الحسن
    ---------- من عصرتج بالباب
    ---------- عرش الجليل انصاب
    -----------------------------------------------------
    من نوره ربّج صورج ----- كبل الخلق من نــــوره
    وبسمج وضع سر خلقته ----- وصوّرج بأجمل صوره
    لولاج مايخلق علي ----- حامي النبي وناطـــوره
    ولولاكم ابدا ماخلق ----- طه اوخلق دســـــــتوره
    بسمج عله ----- ----- الكون اوهله ---------- يم الحسن
    سيد المله ----- ----- انت اُم اله ---------- يم الحسن
    ----------يا أول الاسباب
    ----------عرش الجليل انصاب
    -----------------------------------------------------
    يم الحسن يومج كلف ----- هيج شجون احبابــــج
    ناعي الحزن هز السما ----- ودوى العرش لمصابج
    ياصدر صابو ياضلع ----- كســــــروا بدفعة بابج
    صابو ضلع سيد المله ----- وبصدره صار اصوابج
    بالمصــطفى ---------- اصوابج صفه ---------- يم الحسن
    بس ما طفه ---------- نـــور الوفـــا ---------- يم الحسن
    ----------ضلع الشريعه انعاب
    ----------عرش الجليل انصاب
    -----------------------------------------------------
    يم الحسن بعد النبي ----- الهم والحزن غطانه
    الهظم زاد ابمحنتج ----- جدّدت كل احزانــــه
    اتصبحنا ويلات الهظم ----- وبألم يلفي امســـــانه
    يالزهره من بعد النبي ----- وبعدج جـفت دنـــيانه
    لوح وقلم ---------- صار ابألم ----- ----- يم الحسن
    جور وهظم ---------- نبقى ابسكم ----- ----- يم الحسن
    ---------- بيـــــــنا الجمـر لهاب
    ----------عرش الجليل انصاب
    -----------------------------------------------------

    بيت الفخر يم الحسن----- شبكت الجنه اعتابه
    التهبط ملايكة السما ----- تتعطر امن اترابــه
    داسوا أعتابه ابلا حيا ----- وشـعلو النار اببابه
    وسكطو جنين الطاهره ----- ومحسن وكع بمصابه
    محسن وكع ---------- ياللفجع ----- ----- يم الحسن
    كسر الضلع ----- ----- ماينجرع ----- ----- يم الحسن
    ---------- بينا الكسر ماطاب
    ---------- عرش الجليل انصاب
    -----------------------------------------------------
    ياحسرة اصحاب العبا ----- وياحزن بيت العتـــره
    أظلم وموحش بالحزن----- وأركانه صارت قفره
    مستاحش حسين وحسن ----- زينب تصـــيح ابعبره
    وينج ييمه ابيا كبر----- عفتيني اون يالزهره
    شخصج بعد ----- ----- راح السعد ----- ----- يم الحسن
    نورج صعد ----- ----- لجل الصمد ----- ----- يم الحسن
    ----- -----بس يمنا ظل ماغاب
    ----- -----عرش الجليل انصاب
    -----------------------------------------------------


    وصلى الله على محمد وآل محمد


    دكتور كاظم المعقلي
    الملفات المرفقة

  • #2
    تسلمين اختي المحترمه
    اختيار رائع لهذه القصيده الرائعه
    وفق الله تعالى
    ووفق الدكتور كلظم المقلي
    من اجل خدمة اهل البيت

    تعليق


    • #3
      المشاركة الأصلية بواسطة باسم الحساني مشاهدة المشاركة
      تسلمين اختي المحترمه
      اختيار رائع لهذه القصيده الرائعه
      وفق الله تعالى
      ووفق الدكتور كلظم المقلي
      من اجل خدمة اهل البيت
      شكرا لكم ونسال الله تعالى التوفيق لكم والسداد

      تعليق

      يعمل...
      X