مرثية بحق باب الحوائج.. موسى ابن جعفر

[غسق محمد]

روح أسأل الگيد..... ودمع الشموع
تعرف سر حرنه.....ومعنى الدموع
مات الكاظم وراح
أسأل دم الجـــــراح
تخبرك عن حزنه ومعنى الدموع
******************************
من أوصل ضريحك تهمل العين
وأشوف الجسر شاهد
واشوف الگيد شابگ بين اليدين
مقام بعين عابد
اجيت انه ادور بياسجن وين
اثاري بروحي گاعد
اجينه لقبلتك تزحف ملاين
نطوف اعله المراقد
ياباب الحوائج تنطي المراد
يا شمس اشرگت ابوسط بغداد
وگباب الكاظميات
لعنان السماوات
تخبرك سر حزنه.... ومعنى الدموع
*************************
يل ماخذ فؤادي وساكن الروح
ماناسي ذكركم
يل بلسم ذكركم يشفي الجروح
من نشتم عطركم
يجبال العلم والباقية سفوح
منو يوصل قممكم
حسافه اعله الجسر موسانا مطروح
ماعاش اليذلكم
ياجسر الايمه اشهد الصار
الى يوم القيامه ننشد الثار
ياباب الاجابات
وابواب السماوات
تعرف سر حزنه.... ومعنى الدموع
**************************
هارون انتهى لا موسى مامات
وهاي الگبه تشهد
سر الكون هذا وعلة الذات
ياوراث محمد
جدهم من وطى ظهر السماوات
يم العلي الاحد
شاف العرش بي مكتوبه ايات
محمد اوله وتالي محمد
ياراهب العتره وعروة الكون
يل باقي تضل والماضي هارون
ياباب المراد
اتگصده لعباد
تعرف سر حزنه...... ومعنى الدموع
# غسق التميمي

[الأزري]

لك منا كل خير ودعاء أيها الشاعر المبدع

[غسق محمد]

ولك كما تمنيت لنا ايها الازري الموقر

[المستغيثه بالحجه]