شعر شعبي مهداة للجيش العراقي وابناء الحشد الشعبي

[خادمة الحوراء زينب 1]

السلام عليكم ورحمة الله وبركاته
~.~.~.~.~.~.~.~.~.~.~.~.~.~.
شفت اخضر مرقط لبست الشبان...
كلت فزعة زلم والفزعه معروفه...
امسابك عالمنايا وماتهاب الموت..
بحلك الموت صار الموت سالوفه...
تستعرض زلم فوك الوطيه ليوث...
تخلي الماتهون تهون مجتوفه..
شنهي انت يداعش لاتظن فد شي...
انت خيال يرجف موتته بخوفه..
انت الماكو مثلك اي نعم ليش...
لان لااصل عندك لا الك شوفه...
احنه ويه التفك رابين يوم بيوم...
اششتظن انخاف من عبوات منسوفه...
داعش لا تحاول توصل البغداد..
ولد الملحه جوك صفوف مصفوفه...
من سامرا تطلع موصل وتكريت...
بيان تصدر وماتحمل حروفه...
اجينالك عزم لا مانكول جبال...
اجينه ارواحنه بالعلم ملفوفه...

[الأزري]

جزيل الشكر والأمتنان لإبنة المنتدى المباركة خادمة الحوراء زينب 1 لماتقدمه من نتاج شعري هادف ومبارك
حفظك المولى من كل سوء

[خادمة الحوراء زينب 1]

السلام عليكم ورحمة الله وبركاته
تتلعثم الكلمات أمام أطرائكم وأنا ممتنة منكم وشاكرة لكم أخي العزيز الأزري
فأنا أصغر خادمة في هذا المنتدى المبارك:وأحمد الله وأشكره على هذه النعمة
التي منحي أياها وهي أخوتكم بارك الله بكم وجزاكم عني خير الجزاء