تويت
السلام عليكم ورحمة الله وبركاته
اللهم صل على محمد وال محمد
+++++++++++++++++++
ابطال ابطال * الحشد الشعبي ابطال
نصرو عترة الهادي * رفعو راية ابلادي
الحشد الشعبي ابطال
-----------
غايه عند الداعشيه * تنهــــي موطنه وتبيده
كل هـــــدف عدهه نعرفه * وشتخطط والتريده
ظنهه نور العتره يطـــفه*وينتـهي سر العقيده
بهذا الوضع لا مارضه *اعلنهه ابو محمد رضه * ميعود ذاكه اللي مضه
واصدر الفتوه المجيده
لولاه لولاه * ضاع الوطن لولاه
هبت كلهه انصاره * شنت عالعده غاره
الحشد الشعبي ابطال
------------
فتوة السيد عظيمه * للوطــــــــن رسمت امانه
سكَتْ الناس اللي گالت *ساكت وغافي بزمانه
ينـطق الدُر بكــــــلامه * يصوغه بيمانه وحنانه
هالفتوه اصدره وفته * وحدت الشعب بوگفته * ضد الدواعش صفته
للوطن صارت ضمانه
ايثار ايثار* هاذي الفتوه ايثار
جيش وشعب لمتهم * صارت وحده جلمتهم
الحشد الشعبي ابطال
----------------
لبوو الفتوه الشريفه * هالزلم كلهم نشامه
والثلث تنعام منهم *تنضح بطيبه وشهامه
صانو الگاع بدماهم * واشــترو بالدم كرامه
ذوله فتية حيدره *زود كلهه ومقدره * ذلوو حُثالة خيبره
ثارو بنهج الامامه
هيهات هيهات * منا الذله هيهات
من صالو فرد صوله لعبو بالعده جوله
الحشد الشعبي ابطال
----------
هالحشد نبع الرجوله * والدرس بالغاضريه
حامه عن سر العقيده * بجوده وبغيره وحميه
سحگو اقزام الرذيله * وطاعو امر المرجعيه
شيب وشباب محزمه * متسلحه بحب فاطمه * ابطال وكت الملحمه
كل نفس عدهم ابيه
ثوار ثوار * لجل الدين ثوار
من عباس هالغيره * صانو بالدمه الديره
الحشد الشعبي ابطال
-------------
تشكلت بالفـــتوه عدنه * كثره افواج وسرايه
ضحت الدم والمناحر * من اجل نهج الولايه
هالحشد واجب نعــينه * بكلمه وبوگفه ودمايه
للداعشي لا مانقر* باذن الله حتمن ننتصر* وللمهدي نبقه ننتظر
ماتخوفنه المنايه
لبيك لبيك * صاحت كلهه لبيك
بحب حسين نادينه* ياويله اليعادينه
الحشد الشعبي ابطال
تعليق