جئت الاصلاح في أمة جدي ..

[حمامة السلام]

للشاعر السيد سعيد الصافي .
يالكاصد من درب أبعيد .
يبن الزهرة اشعندك فكرة .
منصب لو اصلاح اتريد .
**** ************* *****
صاحوا بين الهادي اخبرنه من راي اشعندك يحسين .
يلتعلم بالحالة الخطرة وغدر الكوفة اتوضح زين .
والناس اتغير موقغها بظعونك كاصد لا وين .
المنك طلبت تدري انكلبت .
استعبدها الطاغي وشتفيد .
********* ********** ********
يحسين وبظعنك جايب رضع تتصارع واعيال .
وهذا الجيش الرايد حربك ما يملك رحمة ابهالحال .
ماندري اشعندك من غاية موقف ما يخطر بالبال .
حالة اتحير حك انفكر .
ويصعب يحسين التحديد .
.********* *********** **********
يحسين او صوتك جاوبنه واحتارت كل الافكار .
من كلت اعيالي واطفالي يا وادم شاء الجبار .
مسبية ايعاينها ابعينه وتطيح ابولية اشرار .
وهو الحاكم ضد الظالم .
والمطلب دين التوحيد .
********** ********* ***********
يحسين وكلتنه الذله مو شان الناس الاطياب . ومن طبع الاشراف اتجاهد لأجل الدين اتضحي اركاب .
انه ادري ابنحري ايكطعونه وبجبدي العطشان انصاب .
وسبي اعيالي وسحك اطفالي .
لكن للذل ما مد ايد .
.**************************