الى الذي ثقلت عليه الشعائر الحسينية فبدأ يوجه سهامه بحجج واهية جهلا أو تجاهلا لهذه الشعيرة المباركة .
ماكو داعي تكولّي صلي وتعـال
وماكو داعي تـكولّي توضـــــــه بعد
كلبي من طب كربله وشاف الطفوف
لكعبة حسين الوفي خر وســـــجد
ـــــــــــــــ
وماكو داعي تعلم الشيعي الحلم
ولاتكله بسيرة حســـــــين التزم
الشيعي لوطب لبو اليمه يفتهم
ولو يخالف سيرته بأمره جحد
ـــــــــــــــ
لاتكلّي عله المعارف والاحــكام
ولاتوصيني نريد الالتــــــــــــزام
شعندي غير حسين بالدنيه امام
وهوه خامس نور ثابت بالعــمد
ـــــــــــــــ
وبعمود النور اسمه وكنيـــــــــته
بأمر رب العرش صارت طلعـــته
وهسه تأمرني اسير بسيـــــــرته ؟
حسين نهجي ومن جنت وسط المهد
ـــــــــــــــ
وخل اعلمك اني ادري بنيـــــــــتك
والصلاه والصوم ماهي غايـــــــتك
تريد اعوف حســين ومشي بفكرتك
لاهي عميه العين لابيــــــــــــها رمد
ـــــــــــــــ
تكول خلنرجع لاخلاق الاســـــلام
ونمشي دربه بس حلال ولاحرام
ادري بيهن لاجن اهتز النــــظام
والعدل والدين تدريه انفـــــــــكد !
ـــــــــــــــ
مات شرع الدين وحسين الحياه
تكلي لاتلطم وعينك عالصــلاه !
جانت تصلي ومسوده الجــــباه
وذبحت الكرار والباري شــــهد
ـــــــــــــــ
عوف ترتيب السفينه وعنها حيد
وخلي كل اهل الوفه تلـــعن يزيد
كلها ركبت مركبه ساده وعبـــيد
ماتت من احقادها اهل الحــــسد
ـــــــــــــــ
ماكو داعي تكولّي صلي وتعــــال
وماكو داعي تـكولّي توضـــــــه بعد
كلبي من طب كربله وشاف الطفوف
لكعبة حسين الوفي خر وســـــجد
ـــــــــــــــــ
ونسألكم الدعاء
تعليق