يا أمير الكلب / للإمام الحسين عليه السلام

[ابو زينب الظالمي]

يا أمير الكَلب / يا امير الكَلب
من الجرالك سيدي دمعي يصب
---------------------
يومك أمصيبتي / يومك مصيبتي
ولو آجه محرم عليك انحب وون
غربتك غربتي / غربتك غربتي
عليك صرخات الحزن مني علن

- وانه عقلي إنسلب / .وانه عقلي انسلب
من الجرالك سيدي دمعي يصب
……………………………….
ما أظن دمعتي / ما اظن دمعتي /
تطفي نارك لا جمر ذاك اللهيب
وترتفع حسرتي / ترتفع حسرتي /
لو سمعت امكطع وجسمك سليب

ظامي وسط الغرب / ظامي وسط الغرب
من الجرالك سيدي دمعي يصب
………………..


ولو أزيد اللطم / ولو أزيد اللطم /
ما أواسي باللطم عظم المصاب
يعتليني الهظم / يعتليني الهظم /
لو سمعت بسبي ربات الحجاب

جبدي عاف العذب / جبدي عاف العذب /
من الجرالك سيدي دمعي يصب
..................................................
يا منار الهدى / يا منار الهدى /
إنت جنات العلى ودرب الصراط
والي بيكم سدا /و الي بيكم سدا /
ما على واحد ابد بالدنيا حاط

وانه كلبي التهب/ وانه كلبي التهب/
من الجرالك سيدي دمعي يصب
……………… .. ..




يا غريب المحن / يا غريب المحن /
من لفنك سيدي بيوم الطفوف
ريت ليه اعتنن / ريت ليه اعتنن /
ولا على خيام الشرف يدخله خوف

وريته متني انضرب / وريته متني انضرب /
من الجرالك سيدي دمعي يصب


للزنجيل (ثلاثيه)

[خليل علي الزبيدي]

حفظ الله قلبك من كل سوء أخ ابو زينب الظالمي وحباه نورا من عنده بمحمد وال محمد

[الأزري]

بارك الله بمداد قلمك ايها الاستاذ الظالمي

[ابو زينب الظالمي]

نسأل الله تعالى أن يكتبكم من خدام سيد الشهداء عليه السلام أخ أبو أمنه والأخ الأزري