إعـــــــلان

Collapse
لا يوجد إعلان.

ومآادراك ما كربلاء

Collapse
X
 
  • الفلترة
  • الوقت
  • اظهر
Clear All
new posts

  • ومآادراك ما كربلاء

    تنادي بت علي .... والمدامع لاهبه
    يطف استقبلي.... موكب اصحاب العبه
    مسير القافله .. الچ ياكربله
    (1)
    يه ارض الطف آنه زينب وإجيت بموكبي اليزهر
    فلكنه العالمچ يسري وحسين الهل فلك محور
    آمثل فاطمه آمي وچفيلي إيمثله الحيدر
    وشبيه المصطفه جدي نظر عيني علي الاكبر
    وحبيب المجتبه .... قاسم اينوب الحسين
    جبتلچ كوكبه ..... تسطع بوجه الزمن
    ضعن هالعايله ،،، الچ ياكربله
    (2)
    كواكب نور قدسيه گصدناچ بمسيرتنه
    وشعاع النور يسبگنه ويبارك ليچ طلعتنه
    الچ حجاج طبينه وعليچ انقيم حجتنه
    وعلئ كعبة كرامتنه نصبنه استار عزتنه
    علئ الارض الحرام... نصبت اخواني الخيم
    وبعثنالچ سلام..... من ثغور اهل الشيم
    سلام الود حله .. الچ ياكربله
    (3)
    سلام الروح نبعثلچ وترده الريح لخيمنه
    ورياح الجور والفتنه بدت بالطف تداهمنه
    آباة الضيم تدرينه الابه متغلغل بدمنه
    ولانرضه بظلم يسري ويعكر جؤ عوالمنه
    ابونه المصطفه ..دگ عروش الظالمه
    وآجينه بهالصفه... والجهدنه انقدمه
    جهود اهل العله ... الچ ياكربله
    (4)
    مثل مبعث نبي الرحمه إنبعثنه بروح وجدانج
    نحرك ضامر الامه وندگ اعروش عدوانچ
    يمهبط نور نهظتنه الظلم من داس بيبانچ
    فتحنه دم عقيدتنه وسگينه اغصان وديانچ
    كتبنه الملحمه... ياارضنه الزاهره
    ابمسيل امن الدمه.... من نحور طاهره
    الدماء السائله ،، الچ ياكربله
    (5)
    علئ مذبح كرامتنه المجد ضحالچ بنفسه
    ودمانه الطاهره السالت دماء اهل العبه الخمسه
    نجوم ابدور من تطلع تغيب ابمطلع الشمسه
    ولا غابت شمس مجدچ ياارض البدمه امقدسه
    يكنز امن المجد.... ناصعه ابوجه الدهر
    مثيلچ مانجد .... بالجواهر والدرر
    جواهر بالفله ،، الچ ياكربله
    (6)
    يكنز الماحوت مثله الدرر وآلماس والجوهر
    جواهرنه جلبناها الچ من منجم المنحر
    دمه العباس وابن امي ورضيعه وقاسم واكبر
    نثرناها علئ اترابچ يواقيت وعقيق احمر
    زهيتي نينوه... ابمجدك الماينجلي
    ونسيمچ بالهوه.... من مسك ريحة هلي
    وفضلنه انكمله ،،، الچ ياكربله
    (7)
    يه ارض الطيب والبهجه دريتي إترابچ اشيحوي
    فروع الدوحه والهادي وغصنها بالدمه مروي
    الشهب من تخطف اعلينه ضياها ايغيب من تهوي
    وشهبنه الطاحت بآرضچ زهت للعالم العلوي
    شموس الكبرياء ... كل جسد طاهر هوه
    وعله آعنان السماء ... منعكس ضي نينوه
    ومدامع نازله،،، الچ ياكربله
    ومآادراك ما كربلاء ــ للشاعر الاستاذ هيثم سعودي الكربلائي

  • #2
    اشكرك اخي على هذه القصيدة التي هي للشاعر الكبير هيثم سعود الكربلائي بارك الله فيك

    Comment


    • #3
      شكرآ على الموضوع الرائع

      Comment


      • #4
        اللهم صلي على محمد وال محمد
        بارك الله فيكم

        Comment

        Working...
        X