تويت
كرامة السيدة فاطمة الزهراء (ع) ليلة وفاتها
برض المصطفى الليلة معجز صار للزهرا
سمعوا قصتي ياناس واخدوا الدرس والعبرة
أنا بنية وكنت احكي مع الوادم ولي لسان
صافي كالعذب صوته ودوم يرتل القرآن
ولمن جتني العلة خفت صوتي ولا يبتان
صوبني الدهر بسهام ومن شان الدهر غدره
صرت كلما اشوف الناس تحكي ينفطر قلبي
ودور من يساعدني ويسليني العظم كربي
وكلما عاينت ماتم يهيج لوعتي ونحبي
وصرت مثل الذي حاير يفكر دوم بأمره
اتذكر زمان الفات وتهمل دمعة عيوني
وعاين للأهل كلهم بهالحالة يشوفوني
خرسة ولا بقى لي صوت ولنهم ما يسمعوني
اتجرع غصص وهموم والحسرة بعد حسرة
ومنِ المدرسة عرفت طردوني وصرت بالبيت
أنعي والزمان يدور عليه بهاي ماظنيت
أدور عن علاج يفيد وكل مستشفى ماخليت
بلكت تحصل الغاية واشفى من الخرس وابرى
لكن خابت ظنوني وصوتي ما بعد يرجع
أمر الله علي جاري خلاني بوجل أفزع
لهل بيت النبي الأطهار من هم للخلق مرجع
ما خاب القصدهم دوم يحظى وبالأمل بشره
كانت نيتي اقصد زينب بت علي الكرار
واشكي للعقيلة هناك باللي جرى اعليه وصار
وقلها يابنت حيدر قسيم الجنة ويا النار
صبر ماضل بعد عندي وقليل اللي حمل صبره
منعونى الأهل ياحيف وما كملت مشوارى
وهموم البلى نزلت عليه وحارت افكاري
وصرت ابكي المصايبكم ومن عندي الدمع جاري
واتوسل واصيحن وين القى من الصبر بشره
علامات السعد لاحت ليه تهون لمصيبة
وقالت لي بلسان الحال يالله توجهي الطيبة
وزوري جدك المختار صفوة الله وحبيبه
وزوري بضعته وزوري من كان انهدم قبره
وآنا ادعي يرب الكون يمتى تصير هالرحلة
لن عمي ابو فاضل نوّى يمشي الحملة
سجلت الاسم عنده وبسرعة وبلا مهلة
منها اتوسمت بالخير وصارت فرحتی كبری
وصلنا بالسلامة هناك ومن عندي القلب صادي
إجيتك يانبي الرحمة وعندي أمل مو عادي
خرسة ومنقطع صوتي والحسرات بفادي
وكني بالنبي يقلي دروحي البنتي الزهرا
سهرانة بظلام الليل ومن صوب البقيع شعاع
لاح وشافته عيوني وضل مني القلب مرتاع
وجاني بوسطة الغرفة ورسم باب او منه بساع
شفته واختي ماشافت وبية ضلت الفكرة
باب اطلعوا منه احريم ثلاثٍ واجلسوا بالدار
وصْلوا وسلموا اعليه ومن عندي الفكر محتار
وحدة قعدت قبالي وحدة يمين وحدة يسار
ماشفت الوجه منهم وشوف وجوه متنورة
صرت انظر شمايلهم واسأل عن أساميهم
أناشد والدمع يجري وسايل بالجرى اعليهم
خاف يقولوا من شفتي لونّك ما تعرفيهم
لنهم وصّلوا يمي وصارت بالقلب حسرة
وحدة تقدمت منهم ومن عدها الدمع منثور
إيد اعلى الصدر وضعت وإيد اعلى الضلع مكسور
تناديني أنا الزهرة ولخلي خاطرش مسرور
أنا اللي كسروا ضلوعي ومني العين محمرة
وحدة تكلمت وتصيح ومن عندها الدمع همال
أني زينب تعرفيني أنا اللي ركبوني جمال
أنا اللي من عقب عزي أروح بيسر بين أنذال
وأنا اللي شاهدت خوية مرمي بحرة الغبرة
جتني الثالثة وتصيح مفجوعة بدمع مذروف
اني أم القمر عباس من عنده اقطعوا لكفوف
أنا اللي حسين فت قلبي وخلاني بحزن ماشوف
وانا اللي فاقدة الشبان وعليهم اسكب العبرة
صحت بيهم يساداتي إحنا بكم توسلنا
قالوا لي يمحزونة دواش اليوم من عدنا
انتي اللي بكيتي النا وأحييتي مآتمنا
على محمل من الأنوار شالوني إلى الحضرة
وعلى باب أم الحسن وقفن وقالوا انتظري اشوية
وآنا اوقفت يم الباب وصيحن درجعوا لية
لن ام الحسن طلعت ودمعات الفرح بية
وصيحن يابتولة اليوم نشفي دمعتي المرّة
ومدت إيدها البضعة وتحت الظهر خلتها
ورقبتي صارت بيا حال لمن بيد مسحتها
وطلعت من سقط ربطة ومثل اقلادة وضعتها
قومي ما عليش خلاف وابقي دوم مسترّة
ولن زينب لفت وتصيح مني إخذي الشارة
باكر تحضري الروضة ونتي تجيبي لزيارة
وتزَوري الحريم اوياش وحولش ماكو نظّارة
ومن عندي إلش برهان باكر عينك تنظره
مذعورة برعب فزيت من شاهدت هالمنظر
وشفت برقبتي منديل صاير من خلق أخضر
وصوتي صار يتقطع لكن ما بعد يظهر
وناديت بمرَة عمي دحضري الساع بالحجرة
اجت ليها وشافتها وضمتها بياديها
وصلت عالنبي المختار وصارت هم تسليها
أني ام فاضل يبنتي شبيش قالت رؤية أرويها
فيها الخير ولكفاية وفيها للفرح بشرة
تقلها شفت اني الزهرة وزينب ويا أم لبنين
وشفتني الزهرة بيديها وقالت لي دقري العين
وباكر زَوري النسوان بالحضرة وعدل تحكين
وهذا الوعد من عدها العقيلة الطاهرة الحرّة
شوية ولن ابو فاضل عمي صاحب الغيرة
إجا يمي وعاين لي بدهشة وزادت الحيرة
خرسة وياعجب تحكي وظل هايم بتفكيره
وكل هذا الأمر صاير ليلة وفاة الزهرا
رحت هناك للحضرة ويايَ جمع نسوان
شفت الروضة مملية ومهيا إلينا امكان
برفيع الصوت قمت أقرأ ولا سمعوا بعد عدوان
لن رعشة اعتلت جسمي وقمت انتفض بالحضرة
أنامل إيدي اصطكت ومسكتني مرة عمي
وصلاة اعلى النبي المختار من حولي ومن يمي
شفت منديل وسط ايدي ومن عنده ارتفع همي
مثل المسك ريحه يفوح كرامة زينب الحورا
بالتسمع معاجزهم فكر لا تضل مرتاب
أهل بيت النبي الأطهار متهمهم شدد وصعاب
على الهادي النبي نصلي واختم مطلبي بالاطياب
يحبهم كل قلب مؤمن وينجح من يجي بحشره
.
.
نظمها الشاعر ( عيسى البدن - ۱۱-۷- ١٤٢٣هـ )
في شفاء فتاة بعدما اصيبت بالخرس وشفيت على يد سيدة النساء عليها السلام بالمدينة المنورة
وذلك ليلة وفاة فاطمة الزهراء عليها السلام ١٣-٥ -١٤٢٣هـ ..
رحم الله من قرأ الفاتحة لروح المتسببن بنشري لهذه الفضيلة
واخص بالذكر والدتي خادمة أهل البيت (ع) الحاجة المرحومة : أم علي العباس
سمعوا قصتي ياناس واخدوا الدرس والعبرة
أنا بنية وكنت احكي مع الوادم ولي لسان
صافي كالعذب صوته ودوم يرتل القرآن
ولمن جتني العلة خفت صوتي ولا يبتان
صوبني الدهر بسهام ومن شان الدهر غدره
صرت كلما اشوف الناس تحكي ينفطر قلبي
ودور من يساعدني ويسليني العظم كربي
وكلما عاينت ماتم يهيج لوعتي ونحبي
وصرت مثل الذي حاير يفكر دوم بأمره
اتذكر زمان الفات وتهمل دمعة عيوني
وعاين للأهل كلهم بهالحالة يشوفوني
خرسة ولا بقى لي صوت ولنهم ما يسمعوني
اتجرع غصص وهموم والحسرة بعد حسرة
ومنِ المدرسة عرفت طردوني وصرت بالبيت
أنعي والزمان يدور عليه بهاي ماظنيت
أدور عن علاج يفيد وكل مستشفى ماخليت
بلكت تحصل الغاية واشفى من الخرس وابرى
لكن خابت ظنوني وصوتي ما بعد يرجع
أمر الله علي جاري خلاني بوجل أفزع
لهل بيت النبي الأطهار من هم للخلق مرجع
ما خاب القصدهم دوم يحظى وبالأمل بشره
كانت نيتي اقصد زينب بت علي الكرار
واشكي للعقيلة هناك باللي جرى اعليه وصار
وقلها يابنت حيدر قسيم الجنة ويا النار
صبر ماضل بعد عندي وقليل اللي حمل صبره
منعونى الأهل ياحيف وما كملت مشوارى
وهموم البلى نزلت عليه وحارت افكاري
وصرت ابكي المصايبكم ومن عندي الدمع جاري
واتوسل واصيحن وين القى من الصبر بشره
علامات السعد لاحت ليه تهون لمصيبة
وقالت لي بلسان الحال يالله توجهي الطيبة
وزوري جدك المختار صفوة الله وحبيبه
وزوري بضعته وزوري من كان انهدم قبره
وآنا ادعي يرب الكون يمتى تصير هالرحلة
لن عمي ابو فاضل نوّى يمشي الحملة
سجلت الاسم عنده وبسرعة وبلا مهلة
منها اتوسمت بالخير وصارت فرحتی كبری
وصلنا بالسلامة هناك ومن عندي القلب صادي
إجيتك يانبي الرحمة وعندي أمل مو عادي
خرسة ومنقطع صوتي والحسرات بفادي
وكني بالنبي يقلي دروحي البنتي الزهرا
سهرانة بظلام الليل ومن صوب البقيع شعاع
لاح وشافته عيوني وضل مني القلب مرتاع
وجاني بوسطة الغرفة ورسم باب او منه بساع
شفته واختي ماشافت وبية ضلت الفكرة
باب اطلعوا منه احريم ثلاثٍ واجلسوا بالدار
وصْلوا وسلموا اعليه ومن عندي الفكر محتار
وحدة قعدت قبالي وحدة يمين وحدة يسار
ماشفت الوجه منهم وشوف وجوه متنورة
صرت انظر شمايلهم واسأل عن أساميهم
أناشد والدمع يجري وسايل بالجرى اعليهم
خاف يقولوا من شفتي لونّك ما تعرفيهم
لنهم وصّلوا يمي وصارت بالقلب حسرة
وحدة تقدمت منهم ومن عدها الدمع منثور
إيد اعلى الصدر وضعت وإيد اعلى الضلع مكسور
تناديني أنا الزهرة ولخلي خاطرش مسرور
أنا اللي كسروا ضلوعي ومني العين محمرة
وحدة تكلمت وتصيح ومن عندها الدمع همال
أني زينب تعرفيني أنا اللي ركبوني جمال
أنا اللي من عقب عزي أروح بيسر بين أنذال
وأنا اللي شاهدت خوية مرمي بحرة الغبرة
جتني الثالثة وتصيح مفجوعة بدمع مذروف
اني أم القمر عباس من عنده اقطعوا لكفوف
أنا اللي حسين فت قلبي وخلاني بحزن ماشوف
وانا اللي فاقدة الشبان وعليهم اسكب العبرة
صحت بيهم يساداتي إحنا بكم توسلنا
قالوا لي يمحزونة دواش اليوم من عدنا
انتي اللي بكيتي النا وأحييتي مآتمنا
على محمل من الأنوار شالوني إلى الحضرة
وعلى باب أم الحسن وقفن وقالوا انتظري اشوية
وآنا اوقفت يم الباب وصيحن درجعوا لية
لن ام الحسن طلعت ودمعات الفرح بية
وصيحن يابتولة اليوم نشفي دمعتي المرّة
ومدت إيدها البضعة وتحت الظهر خلتها
ورقبتي صارت بيا حال لمن بيد مسحتها
وطلعت من سقط ربطة ومثل اقلادة وضعتها
قومي ما عليش خلاف وابقي دوم مسترّة
ولن زينب لفت وتصيح مني إخذي الشارة
باكر تحضري الروضة ونتي تجيبي لزيارة
وتزَوري الحريم اوياش وحولش ماكو نظّارة
ومن عندي إلش برهان باكر عينك تنظره
مذعورة برعب فزيت من شاهدت هالمنظر
وشفت برقبتي منديل صاير من خلق أخضر
وصوتي صار يتقطع لكن ما بعد يظهر
وناديت بمرَة عمي دحضري الساع بالحجرة
اجت ليها وشافتها وضمتها بياديها
وصلت عالنبي المختار وصارت هم تسليها
أني ام فاضل يبنتي شبيش قالت رؤية أرويها
فيها الخير ولكفاية وفيها للفرح بشرة
تقلها شفت اني الزهرة وزينب ويا أم لبنين
وشفتني الزهرة بيديها وقالت لي دقري العين
وباكر زَوري النسوان بالحضرة وعدل تحكين
وهذا الوعد من عدها العقيلة الطاهرة الحرّة
شوية ولن ابو فاضل عمي صاحب الغيرة
إجا يمي وعاين لي بدهشة وزادت الحيرة
خرسة وياعجب تحكي وظل هايم بتفكيره
وكل هذا الأمر صاير ليلة وفاة الزهرا
رحت هناك للحضرة ويايَ جمع نسوان
شفت الروضة مملية ومهيا إلينا امكان
برفيع الصوت قمت أقرأ ولا سمعوا بعد عدوان
لن رعشة اعتلت جسمي وقمت انتفض بالحضرة
أنامل إيدي اصطكت ومسكتني مرة عمي
وصلاة اعلى النبي المختار من حولي ومن يمي
شفت منديل وسط ايدي ومن عنده ارتفع همي
مثل المسك ريحه يفوح كرامة زينب الحورا
بالتسمع معاجزهم فكر لا تضل مرتاب
أهل بيت النبي الأطهار متهمهم شدد وصعاب
على الهادي النبي نصلي واختم مطلبي بالاطياب
يحبهم كل قلب مؤمن وينجح من يجي بحشره
.
.
نظمها الشاعر ( عيسى البدن - ۱۱-۷- ١٤٢٣هـ )
في شفاء فتاة بعدما اصيبت بالخرس وشفيت على يد سيدة النساء عليها السلام بالمدينة المنورة
وذلك ليلة وفاة فاطمة الزهراء عليها السلام ١٣-٥ -١٤٢٣هـ ..
رحم الله من قرأ الفاتحة لروح المتسببن بنشري لهذه الفضيلة
واخص بالذكر والدتي خادمة أهل البيت (ع) الحاجة المرحومة : أم علي العباس