تويت
وجه الموت من صوتي لعباس
دخلت الحومه كلتلهم لعباس
الشجاعه مفصله من الله لعباس
قيامه اليوم اسوي الغاضريه
..........................
هم زارع اليه الدهر يمهم
واخوتي ما اخذني الدهر يمهم
بيهم ما دريتي شصار يمهم
ريتج حاضره وشفتي الرزيه
..........................
من هظم الجره عليه يعماي
تلوج اطفال وتحشم يعماي
وياهه الحرم وتحشم يعماي
جيب وياك لسكينه ورقيه
...........................
اكف الدمع يا ساعه واكفاه
وشبع نوح الوكت كلبي وكفاه
وحك الي فكد عينه وكفاه
الج بيه يبت حيدر رزيه
.........................
يدهري شبيك دلالي عليته
وجسم حسين بدموعي عليته
عله رمح الشوم من راسه عليته
عليه شبحت عيون الفاطميه
..........................
وحك الشال سيف وشال علما
وكصد صوب الشريعه بجود علما
يون كلبي يخويه حسين علما
رجعلي والخيم طاحت عليه
........................
صبر ايوب صبر حسين عداه
ويامرسل شبيهه سبط عداه
لبو السجد مثلي منو عداه
يون وياي بيها بهل المسيه