قصيدة بعنوان ♻ كوم يا حيدر علي ♻

[ام عبد الرحمن الركابية]

كوم يا حيدر علي...البضعة يمك تنولي
بيها وصاك الرسول ...عندك امنهه البتول
اشلون يمك تنولي
♻♻♻♻♻
اشلون ترضه يلصميده ...تنضرب بضعةمحمد
أنت قالع باب خيبر....وبابك بنار يتوقد
اشلون حالك من شفتها.وبلحبل ياعلي مقيد
سمع صوت الطاهرة
بويه صاحت جائرة
لون صاحت يلوصي. ...اشلون يمك تنولي
♻♻♻♻♻
لون صاحت كوم ليه...ياعلي ضلعي انكسر
لجن تدري بحال حيدر..لوهجم يمحي البشر
لاكن امر الله ورسوله..وبلوصيه هلصبر
صبر وتحمل مرار
من محمد هل قرار
لأجل دين الله ونبي...اشلون يمك تنولي
♻♻♻♻♻
صبر وتحمل مرار. ...يوم ضربو فاطمة
ردو أعلى دارهجمو..طلعو حامي الحمه
ساعده الله عينه تنظر..الزهره يمه مألمه
لأجل دين المسلمين
ضحه بأم الحسنين
بضلع مكسوروصبي..اشلون يمك تنولي
♻♻♻♻♻
ضلع مكسور وجنين..وكع من روح الزجيه
ياعلي تدري بجنينك..سكط بلعتبه رميه
دفنته بيدك يلصميده..ودمعة اعيونك جريه
ساكت ابعينك شفت
وبلوصيه اجتفت
انطيت عهدك لنبي...اشلون يمك تنولي
♻♻♻♻♻
انطيت عهدك لرسول..لجن محد بايعك
تعاهدوا منهم قليل...بليل من جانو معك
لصبح خانو عهدهم...وبعد محد راجعك
غدرو وشفت الغدر
وأنت صابر تنتظر
أمر ريك ترتجي. ..اشلون يمك تنولي
♻♻♻♻♻
سيدي ياريت يمك...يوم هجمواعلبتول
نصير باب الهه وحمايه.لبضعةالهادي رسول
نشيل حبل البي تجتف...حيدروهمه يزول
ريتنه بذاك الزمن
لنصرتك ياابالحسن
عهد من شيعة علي..بدمنه الكم نفتدي
♻♻♻♻♻





دفنته بيدك يلصميده..ودمعة لعيونك جريه