تويت
المقادير :
٣ اكواب من الطحين الابيض + ٣ اكواب من الطحين الاسمر ولازم يكون منخول وملعقة طعام ملح + ملعقة طعام خميره وملعقة طعام سكر + كوب ماي دافي للخميره + كوب تمر منزوع النوى منقوع بكوب ماي مغلي + كوب ماي دافي للعجن
🍃الطريقه :
ينقع التمر في كوب ماي مغلي ونهرسه عدل ونذوب ملعقة خميره وملعقة سكر بكوب ماي دافي ونخليه خمس دقايق وتالي نخلط كل المكونات سواء بالعجانه او باليد ونعجن مع كوب ماي دافي ونغطي العجينه ونخليها ترتاح لمدة ساعه وتالي نكورها وندحرجها بالسمسم ونخليها ترتاح ربع ساعه وبعدين تفردونها السمك الي تحبون وتثقبونها بالشوكه او باصبعكم وتحطونها بالخبازه الكهربيه لين تتحمر من الجهتين او بالفرن وتشغلون الفرن من فوق وتحت على حراره ١٩٠ او بالمقلاه عالنار بدون اضافة الزيت وتغطونها بالغطا وكل شوي تقلبونها لين تتحمر وعقب ما تتحمر دهنوها بالزيت او السمن او زبده وغطوها بفوطه نظيفة