يا شهر الحزن كافي ....حملك هادل اجتافي
عام المر علينه ..ما انسه سبينه
_
يا شهر كل الجره بعيوني شفته
الشمر كدام عيني حز ركبته
يكطع ابنحر الاخو اوعقلي فكته
اني ميته من وكع محبوب اخته
شحجيلك بعد عنه ..عن الي يرظنه
بلحسره اجينه ..ما انسه سبينه
_
يا شهر مو بس دمع علخد جريته
السواد عللخو كله بجيته
السهم مارد دليله من لكيته
كتله خويه اشبيك وهتزت حميته
اهمس بس سمع صوتي ..وياكم ردت موتي
يا خويه انولينه ..ما انسه سبينه
_
هذا اخوي الما نساني لحظه وحده
ينهظ اوياي الخيامي هسا وده
حلمي يا شهر الرزيه من تبده
الجرح غير الاخو منهو اليظمده
شاب الراس بفراكه ..خويه اشوكت نتلاكه
يلتسمع حجينه ..ما انسه سبينه
_
يا حبيبي الكطعك سيف المنيه
عام صار اوما نسيت الغاظريه
اني ما عفتك ابد يلتدري بيه
غصبن علية رحت ويه اميه
طالت غيبت احبابي ..ظمني ابساع يترابي
يلتسمع بجينه .ما انسه سبينه
_
_
ظيعتني ابين شفرات اليالي
كطعني اوما بشر يحمي عيالي
ولحبل مشدود بليمنه اوشمالي
خويه طبيت ابمدن ما بيها والي
فرحانه البشر بيه ..اخت حسين مسبيه
شمتت يا ولينه .ما انسه السبينه
_
هسا تعرف يا شهر المن اتاني
اوزين تعرف بيه ما انصف زماني
الله خصمه البسبي صوطه ولاني
كتله جدي المصطفى اوزينب تراني
ما عدهم رحم وسفه ..علخدود الطفل جفه
بلحسره مشينه .ما انسه سبينه
_
للشاعر حيدر محمد الكعبي