المهدي امل الحيارة

[حيدر محمد علي]

يمته يلمهدي تجينه ..طالت الغيبه علينه .
العقيله تنتظر ..تنتقم من الكفر .
_
انته اعلم بلمصايب كافي يلمهدي غياب
حجت الله انكطع راسه ولجسم فوك التراب
ذابت الحره ابحزنها من تعاين علشباب
بس جثث ظلت يمهدي امكطعه منها الركاب
وين يا سيف العداله ..صوبو كلب الرساله
حيرو حته الفكر .تنتقم من الكفر
_
الامه تتنطر ظهورك رجعت الجانت عبيد
عل عقيله رجع شرهم اوهند ردت من جديد
اظرب الخانت علينه وين يلجفك حديد
عيد خيبر يابو صالح وذبح التتبع يزيد
علجمر نمشي اونراقب ..طلعتك يبن الاطايب .
يمته يا طلعت فجر .تنتقم من الكفر
_
ما تمر جمعه علينه وحنه الك مترقبين
لحظت اغيابك مصيبه سيدي اتعادل سنين
اليتامه ابكثر همك اوكلها لجلك صابرين
اطلع اوبرد كلبنه حيل اذانه العين
بدعه كالو عن ظهورك ..يخرس الكافر حظورك
اكسر اقيود الصبر .انتقم من الكفر
_
عمتك يلمهدي كالت يشفه صدري ابشوفتك
تنتقم من العينه ثاري ذمه ابركبتك
لا تخليها وحيده كوم ونصر عمتك
ينتصر بيك التشيع فدوه اروح الرايتك
لا تسامحهم يغالي ..ذوله ذبحولك غوالي
بعد ما ينفع عذر .انتقم من الكفر
_
يا صكر خلي الجماجم تشهد ابيوم القاء
خلي سيفك يابو صالح يرتوي ابهاي الدماء
ينتظر يم الشريعه سيدي ذاكه الواء
خلي خصمك جوه جدمك من اجل اهل الكساء
عالو ابزينب يغيره ..جتفو الحره الاميره
سلبو ام الخدر ..تنتقم من الكفر
_
وليدوس احدود حيدر هذا اصبح حصتك
الهواشم كلها غيره وحنه نعرف غيرتك
نزرع اكلوب ابطريقك بس ترد من غيبتك
تبذل الغالي لجلكم بيها غيره شيعتك
تنطر الصاحب يجيها ..ارحم الفكدت وليها
كلشي بعدك منكسر ..تنتقم من الكفر
_
للشاعر حيدر محمد الكعبي