تويت
😋محاشي خضار ...
الخضار اللي تحبين ( كوسا ، باذنجان ، فلفل بارد ، بصل ، ملفوف )
مقادير الحشو ؛
رز مصري ( البعض يحط لحم مفروم بس انا اكتفي بالرز بس )
شوي معجون طماطم زيت زيتون دبس الرمان ثوم - بصل -طماطم كزبره - بقدونس - بهار
رشه ليمون اسود مطحون
شوي نعناع طازج
ملح -بهار منوع
عصير ليمون
لقاع الصينيه :
طماطم مقطع حلقات
مقادير الصوص
معجون طماطم + دبس الرمان + ماجي او ملح + عصير ليمون + زيت زيتون + ماي ( انا احب اضيف بهار الخضار من الشيف ماجيك )
الطريقة ؛
يغسل الرز ثم ينقع تقريبا نصف ساعه
بعدها اصفيه من الماي واحطه ع جنب
في محضرة الطعام احط البقدونس و الكزبره و الثوم والبصل والطماطم ومعجون طماطم و دبس الرمانو زيت زيتون واطحنهم عدل بعدين اضيفهم ع الرز واضيف عصير الليمون وملح و البهار المنوع و بهار المحشيات و الليمون الاسود المطحون وبكذا تكون الحشوة جاهزة
ناخذ الخضار ونحشيهم بالحشو السابق ..بس انتبه مااحط الحشو للاخر اترك مجال حتى اذا نضج الرز .. احط في صينيه حلقات طماطم او جدر بس انا سويتهم بالفرن
واصف فوقهم المحاشي .. الحين اجهز الصوص
طماطم مطحون + معجون طماطم + دبس الرمان + ماجي او ملح + عصير ليمون
وادخلها الفرن لين ينضج
بياخذ وقت ساعه ونصف تقريبا في الفرن .. وبس ❤️❤️