زينب شتحتمل من تطب كربله

[الرضا]

الأخ الكريم

( ابو زينب الظالمي )
رزقنا الله تعالى وإياكم شفاعة يسد الشهداء عليه السلام
قصيدة رائعة

وكلماتكم قمة في الروعه والجمال

طيب الله انفاسكم ووفقكم لكل خير
تحياتي

[خليل علي الزبيدي]

عظم الله أجوركم
وبارك الله بكم

[ابو زينب الظالمي]

علي ناصر:
زينب شتحتمل من تطب كربله
لو خيم تشتعل لو سهم حرمله
""""""""""""
وي الضعون تحدي وتمشي الرزايا
مرافگات الحره چن خدر وعبايه
بحركت الباب وضلع چات بدايه
وجرن وما ظن بعد إلهن نهايه
واليتم بالزغر والهظم حامله
لو خيم تشتعل لو سهم حرمله
"“""""""""""
اشتحمل المفجوعه والتفكد زلمها
لو المها بصخر چا هدَ ألمها
تشوف يم شاطي النهر طايح علمها
ولا مثل زينب ولا صاير ظلمها


ومن عكب هالزلم تحرس العايله
لو خيم تشتعل لو سهم حرمله
"""""""""""

عالمه بهذا السفر تدري بطفوفه
يعني كل منظر جرح لمن تشوفه
وي كل جرة نفس تتراوه خوفه
والاشد ذاك الخدر لمن تعوفه

تدري بامر الخدر بيا ارض نازله
لو خيم تشتعل لو سهم حرمله
''''''''''''
شيحمل الليل اليجي وشدة ظلامه
والاعادي مفرهده خيام الامامه
والكمر مخسوف لا جوده وحسامه
لچن لبوة حيدره تاج الكرامه

ترفع اقدس نحر اتقبله اتقبله
لو خيم تشتعل لو سهم حرمله
"""""""""""


لو تشوف النوك من ايوكفوها
هزله والحادي جلف ويسب ابوها
وبشماته يصيح زينب طلعوها
كومي يلي من الكفه مذبوح اخوها

الاصعب من الصعب تمشي وي قاتله
لو خيم تشتعل لو سهم حرمله