عطشان

[ابو ظاهر البركي]

عطشان

عطشان كلي حزن بس بالدمع أرتوي
وبغداد ذبلت عطش تتنخه يوميه

الكل سمعهه وسكت رادت تموت الصبح
وجيرانه أتحزمو وتناخو عليه

واحد عليه الذبح يعلن فتاوي الحقد
أواحد يودي اسلحه ويختمهه شرقيه

أواحد عقد مؤتمر بسم ألأسلام وصرخ
أيهود أهون ألي من دوله شيعيه

أواحد نهب ثروتي وبحلكه كاك النفط
أواحد يدرب العرب يصنع أرهابيه

أواحد يداعي العمر يطلبني جنه طلب
ويعرف الباكه منو يعرف البعثيه

كلت أصبر وأنتفض وأحفرلي بير بنهر
بلجن أحصل نده وأروي الضمه البيه

تذكرت قصة أمس قصة تبجي الصخر
قصه ولاجالقصص قصه خرافيه

تدرون من هلهلة دجله وتناخت أمس؟؟
فز الفرات ونهض لاجن بعوجيه

كاللهه أبشري وعلي شتردين أأمري علي
كالتله مد أصبعك أيلامس أيديه

مد أيده حس بالعطش جن أيد أخته خشب
كاللهه أنزلي حدر ونشوف تاليه

ومن وصل شط العرب شاف العرب واكفه
ولن صوت شط العرب شو مامش أميه
ولن صوت شط العرب شو مامش أميه




أخوكم
أبو ظاهر البركي