يوسف الزهراء عجل طلتك
وعلعهد وياك تبقى شيعتك
***

للابد وياك نبقة وللابد
واحنه بالدم نكتب اوياك العهد
اليوم وياك الكَلب كله اتحد
وبالدمع والدم نجدد بيعتك
وعلعهد وياك تبقى شيعتك
***

احنه خطينه عهدنه بالدمه
وهل عهد مبعوث لمك فاطمة
ولو تطل تفرح ارضنه والسمه
انميل و كل ميله مالت رايتك
وعلعهد وياك تبقى شيعتك
***

يمته تصهل مهرتك يم النهر
وتعتني لعباس وداوي الكمر
اطوف فوك الاكبر وفوك النحر
وتوصل التل وترجع عمتك
وعلعهد وياك تبقى شيعتك
***

نبقة ننتظرك امامي وما نمل
والكلوب وياك كله تتصل
انته ميزان الفضايل والعدل
ومن علي الكرار ماخذ غيرتك
وعلعهد وياك تبقى شيعتك