بسم الله الرحمن الرحيم

اللهم صل على محمد وال محمد وعجل فرجم وفرجنا بهم ياكريم

السلام عليك ياسيدي ومولاي يابن امير المؤمنين عليه الســــلام

اهدي هذا الموشح لادارة هذا المنتدى المبارك واسالكم الدعـــــاء


تبقه تشهد لبو فاضل كربلاء ***** وتشهد اوياهه البطولاته السماء

********************

ياشبل حيدر يبن خير العمـــــل
ياعضيد حسين والزينب امــــل
والله وجدانك شهامه اشكد حمــل
مـــنهو مثـــلك سيدي يحـــــــــمل وفـــــــاء
*************************
بيك طك عرج الهواشم وانفجــــر
حين شفت اطفال تنظر عالنهــــر
والمهج من العطش صارت حجر
توجهت للعلكمي تلـــــــــبي النــــــــــــــــداء
************************
انت ماضكت العذب من الفــــــــرات
وهجمت اعليك بــغدر كل الطغــــــاة
وبشموخك صحت ما هاب الممـــــات
واعلم بحــكم المنيــــــــــــــــه والقضـــــــــــاء
***********************
انته خاويته الحســــين بكل يقيــــــــن
لجله ضحيت بيســــارك واليميـــــــن
بطيحتك ظهري انكسر صاح الحسين
حين شــــافك ياشهم تنزف دمــــــــــــــــــــــاء
**************************
هالعلـــم ماطاح يبقـــه ايرف ابــــــد
جي جفوفـــك للعللم صارن ســـــــند
تعاهدت واوفيــــت بالدم العهــــــــــد
وبعــــــده باسمك عالــــي ويرف اللـــــــــــــــواء
*********************
ياكمـــر عدنان يابـــــو الغيـــــــــــره
ياشريف الـــــذات واشرف ســــــيره
جوهرك كلش صعب تفســـــــــــــيره
للاخــــــوه اسســـــت درس الــــــــــــــــــــــولاء
***********************
بيــك مفتخــــره بشــــرف شيعة علي
بذكــرك هموم الموالــــي تنجلــــــــي
واحنه ىنقسملك قسم يبن الولـــــــــــي
انـــــروح لجل حسين كل احنـــــــــــه فـــــــــــداء