إعـــــــلان

تقليص
لا يوجد إعلان حتى الآن.

قصيدة كعده ديني ويقيني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أنصار المذبوح
    رد
    بارك الله فيك
    جـــــــــــــــــــــــــــــ الله خير الجزاء ـــــــــــــــــــــــــــــزاك

    اترك تعليق:


  • قصيدة كعده ديني ويقيني

    ديني ويقين

    ديني ويقيني ثبته دم المصاب

    من يسألوكم بالدمع ردو الجواب

    قصة مصابي من يذكروهه ** من يسألوكم بالدمع ردو الجواب

    **********************

    يامه وصه الهادي بيه ** جم حديث الكاله عني

    اني من حسين كلهم ** والحُسين ونوره مني

    سبطي مصباح الهدايه ** مايخيب يوم ظني

    سمعته امي من حجه * كلهه المشه بدربه نجه * وي جيتي ناح وبجه

    كلهه انعي ويه وني

    كلهه بمصابي واخبرهه بيوم الطفوف

    ما يثبت ديني لوما تاخذني الســـــيوف

    ولده واخوته هم يغدروهه ** من يسألوكم بالدمع ردو الجواب

    ***************************

    وصلت الاف الرسايل ** تكلي عجل بالمسيره

    انريدك اتغير وضعنه ** هالمحن صعبه وجبيره

    وامة الهادي وشرعهه ** للظلم صارت اسيره

    حجه ماظلت بعد * من خانو بهذا العهد * وحسابهم يوم الوعد

    يلكه كل واحد مصيره

    خانو عهدهم ناس ذوله لا ذمه وضمير

    خلفو عهدهم واهدرو دم السفير

    كلهه كتبهم ذيجه انكروهه ** من يسألوكم بالدمع ردو الجواب

    ******************************

    بدلو نهج اللرساله ** ال اميه وهالشرايع

    محد المنكر يمنعه ** وكل صده المعروف ضايع

    والبشر رادوهه تخضع ** للدعي غصبن تبايع

    اخلاقهم كلهه انتهت * وهاذي الشريعه اتبدلت * وأمة محمدنه ابتلت

    بالجره وهاذي الصنايع

    والدعي بجوره اتجاوز بفسق الحدود

    واطلقت صرخه كسرت كل القيود

    صرخة دمائي فن ينحروهه ** من يسألوكم بالدمع ردو الجواب

    *******************************

    ظنهم اخضع لو اساوم ** واعترف واعلن سكوتي

    حشدو خيل وعساكر ** من رفعت بقوه صوتي

    رفضت اصحابي المذله ** وضحو اولادي واخوتي

    عباس سطر ملحمه * جنه علي حامي الحمه * ضحه بجفوفه والدمه

    بطيحته شفت اني موتي

    التمت عليه اجيوش مرجانه ويزيد

    ظنهم ابايع لو اقر مثل العبيد

    دمي وحياتي خل يهدروهه ** من يسألوكم بالدمع ردو الجواب

    *****************************

    واخبرت اختي العقيله ** عن سبب هاذي الدمايه

    ربنه شاء بحمه عنده ** انذبح وانتن سبايه

    عبره تصبح هالقضيه ** وللبشر درب الهدايه
    اّ
    ني بشموخج افتخر* وانتي ايات الخدر * بصبرج ثورتي تستمر

    ربنه عنده بهاذي غايه

    غايته الرايه تستمر طول الحياة ** وتبقه صرختي ثوره وبوجه الطغاة

    عبره المصايب لليذكروهه ** من يسألوكم بالدمع ردو الجواب
يعمل...
X