-
-
راعي الشدايد وينه ،، خل يجي لدفن حسينه ،، خل يجي لدفن حسينه
وين الي يتسمى حامي الجيران
جاوينه الحضر ساعة دفن سلمان
هذا حسين شبله موسد التربان
وثالث يوم جسمه بعازة الدفان
خل يقعد بعينه يشوف ,, أهل الردى مسلبينه ,, أهل الردى مسلبينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
وجه للنجف وجه علي السجاد
يا حامي الدخيل و مقصد الوفاد
إلمثلك ياعلي بهذا الوقت ينراد
ياجدي لوحدي شلون ادفن الأجساد
هذا سميك ينخاك ,, منك يريد تعينه ,, منك يريد تعينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
طر قبرك ياجدي لكربله تعنى
بويه حيرني ابوي شلون ادفننه
يجدي ولا بقى سالم كتر منه
مرمي اعلى الوجه وشلون اقلبنه
متحير يلمه شلون ,, جسمه الذي مقطعينه ,, جسمه الذي مقطعينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
حالة البيها احس صبري وصل حده
من عادة الميت لو وصل لحده
يتخلى على تراب اللحد خده
أوسده شلون أبوي وراس ما عنده
من نحره لن أسمع صوت ,, يصعب علي تعيينه ,, يصعب علي تعيينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
يقلي يا علي كف دمعك اليجري
و خل صبرك يا باقي أهلي مثل صبري
يا ابني و من توسدني على قبري
و عبد الله رضيعي يوسده يم صدري
من يطر قبري الموعود ,, ينظر رضيعي بعينه ,, ينظر رضيعي بعينه
راعي الشدايد وينه ،، خل يجي لدفن حسينه ،، خل يجي لدفن حسينه
***********
دفنت حسين ابوي و جملة اصحابه
و جسام الشباب بدمعة سجابة
و الهيج ابقلبي ونة امصابه
علي الأكبر أخوي اليضهد صوابه
مثل الرسول المختار ,, هذا الذي مشبهبنه ,, هذا الذي مشبهبنه
راعي الشدايد وينه ،، خل يجي لدفن حسينه ،، خل يجي لدفن حسينه
***********اترك تعليق:
-
طِـلّـسـم يـحسين حُبّك طِلّسم فـدوه أنـه يحسين اروح الهالاسم
الشاعر هيثم سعّودي الكربلائي
طِـلّـسـم يـحسين حُبّك طِلّسم
* * *
طِـلّـسم حبّك سَحر اهل العشگ
الـروح شـمعه ومن تذكرك تحترگ
* * *
تـبتسم روحي وعليك اذرف دمع
ايـريـد يـتـعـنّاك ويردّه الضلع
* * *
يـنـسـجم گلبي عليك وما يهيد
وأحـس كـل ونّه التمر ماتم جديد
* * *
يـا سـحر هذا اليخلّي هالگلوب
الروح ليش اعليك كل ساعه تلوب
* * *
وسرّ خلودك مثل سرّ حبك عجيب
يـا غـريب الصار مثلك يا غريب
* * *
يـا غـريـب الگلب مثلك جسّمه
ويـا شـهيد وگبره مو بارض باسمه
* * *
گبـرك امـتدّت جذوره بالطفوف
واحـنـه والاملاك عالمرقد نطوف
فـدوه أنـه يحسين اروح الهالاسم
* * *
او خلّت اسراره الگلب باسمك يدگ
تـحـتـرگ مشغوفه بيك وتبتسم
* * *
وتـاخـذه الغيره الگلب من يستمع
ويـرجـع الصدري لچنّه منسجم
* * *
يـون والـونّات تسري اويه الوريد
يـنـعقد كل ساعه باركان الجسم
* * *
مـن يـمـر ذكرك يبواليمّه تذوب
هـذا سـرّ رباني وأحسملك حسم
* * *
مـا شفت كل عمري مثله يا سليب
اءلـه بـكـل دلاّل يالضامي رسم
* * *
ويـا جـريـح وجرحه شفه باسمه
وانـعـكـاس الگبر بالطف مرتسم
* * *
لاچن اطـباِ السمه الگبرك سقوف
قِـسم تبچي اعليك واتواسي قِسم
اترك تعليق: