تويت
((( عندك الوفــــــه))
****************
يحسين عندك الوفـــه **شانك أبد مانوصفه
يابو علي انته الاصل
جرح أبگلبنـه متصل
وشانك ابد مانوصفه
***************
من يثرب متعنّي وگاصد** والحــــــرم كلها ويّاك
للغاضريــــــــــــــه نيّتك** بشيمتك طلعن بحمـاك
ندري يابو اليمه الامــــر**مفروض من الله جــاك
والخدّرأبهظم اليســــــــر** تتغرب عگب عينـــاك
عندك غيره لاماتقبـــــل
بت حيدر من بعدك تنذل
والطاغي من عدها أشتفه
***************
بحجر النبوّه والوفـــــــــه** يا أجمـــــل وأروع امل
يابعد روحــــــــي والنفس** نفدّيك بالمال وأهــــــــل
مسلوب طايح عالثــــــره **والضعن زينب كفـــــل
ناديت كلمن ناصــــــــرك** ولأجلك الكون ابتهـــــل
الباري أرسلِّك جبريل
ياخذ دمَّك من يسيــل
وتربتك من عدها الشفه
***************
ياخمس اصحاب العبـــه **ياسيــــــــــــدي يامذبوح
جثتك بگت فوگ الترب **والحــــــره تبجي وتنوح
ليش العده أمسلبه الجسم ** مولاي أودمّــك مسفوح
شنهو الجنيتـــه بغربتك **وراسك للظــــــلّآم يروح
زينب ردت مهمومه
بحسره ولوعت مظومه
وعليها دنيانه العفه
*************
دنيانه شما دارت بينــــــه** لمصبيتك بكــــــــل عام
وسط الگلب ننصب عـزه** نواسي زينب ومنّــــــام
بالحره ندري والظلــــم** شكد جارت عليها ايـــــــام
للروح مارادت تظــــــل ** بيها وتطب لارض الشـام
دار احــزان نصبتها
من الزهره ورثتها
ولحزن امها تِخلفَه
***************
كل جرح يطيب وألـــــم **وجرحك باقـــــي يحسين
دمع السمه لون الدمـــــه **وبدموم تبݘيك العيـــــــن
يافخر الهادي ومن اصله** أصلك حيدر حامي الدين
وشجرة الزهره الطيّبـــه** من گبل آدم بسنيــــــــــن
مزروعه ويظلها العرش
بحروف موسومه بنقش
تشع بنور ألهم منطفه
************
بابك وسيعه للرجـه **وگلبك صابر أشوسعــــه
نوح الموالي ودمعته** جهنّم تنطفي بدمعـــــــه
مجلس ننصبه للذكر** تحضره الزاكيه تسمعـه
وتنزل ملائكة السمه** تنوح بلوعة الفجعــــــه
والزهر ويانه تحضر
تلم الدمع الطّشَّـــر
الخادم تفرحه تنصفه
وشانك أبد مانوصفه
**********