جفَّك المعبر

[خالد محمد مهدي الحجار]

(( ݘفَّك المعبر))
*****************
سراط الله أوي ݘفك يسهل المعبر **سفينه شراعها ݘفّين المشكر
يابو اليمه هذا الشان ** اليقين أمحبتك عنوان
*******************
انته اطيت ربّك كلشي من عنـــدك **لاخر نفس لامس الترب خدّك
بكل فاجعه عنّـــــه منگطــــع ودّك **الف مرّه تضحّي الدينه لوردّك
ماخيّب الينخه ولايذ بسدّك**تعبرنّه بأمان وألك نتنطّر
************
يبن سيد الانس والسخرتله الجــان**هوَ الدين من غيرك أله اركــــــــــــان
أنملت لگلوب بالزور ودجل بهتان**وصار القاضي يفتي أبشورة الشيطان
من الصوم وصلاة أتجرّد الايمان **واحدهم رذيل من القزم أصغر
***************
نزل حتّه النجم دمعات لمصـــابك **حگها الشمس لوغابت عله غيابك
وحگنه نسير سيل سحوف لعتابك **أبرجه العباس وݘفوفه ندك بابـــك
تسهّل كل صعب من ينخه طلاّبك **مثل حيدر علي أبشداتنه تحضــر
****************
الدمع من عيني لو ينمنع سالت دم **بعامود الهام راس المحب يتهشم
خلّي جروحنه تكبر ولاتلتـــــــــــم **وبعد اكثر يوالي أنضحّي مانهتم
شحلات الموت لجلك لون يتحتَـــم **بماضينه وبحاضرنه اشد وكثر
**************
أشعلينه باللهث ونعمه وفجّرنــــــــه**بدروب الصعاب مشينه خاطرنه
ماملّينه يحسين الصبر ملنــــــــــــه**بالوجدان عايش وبضمايرنـــــــه
بلحظة موتنه نعرفك تحضرنــــــه **ونصعدها السفينه وياك للمحشر
****************