تويت
مناجات امير المؤمنين عليه السلام
((گوم احضر يداحي الباب))
*********************
بالطف يصرخ شيب وشاب ** گوم احضر ياداحي الباب
غايب وينك ** عن حسينك
گوم احضر ياداحي الباب
******************
گوم احضر عاينها الزينب ** بأرض الطف الخدر أتسَلب
والدمعه المهظومـه تنحب **منها حتّــــــه الصبر أتعّجب
بين حسين وبين خيمها
وسع الدنيه لامالمهــــــا
وينك يالأسد الغللآب
***************
گوم أمسح دمعات أيتامـــــه**وبݘفّك سكّن آلآمــــــــه
أيام الطف مرّه آيّامـــــــــــه**عليها التمت كل ظلاّمه
نار وسيف وسهم مصوَب
يامن سيفك شاطـرمرحب
مانلݘم جرحك بعتاب
****************
گوم أوعاينها الانصـــــــاره ** عن حسين أتصد الغاره
ماترهم ويّاهم ݘــــــــــــاره **يردون من الوالي أبشاره
شنوصف واحــــدهم ياقمّه
بعزمه وصبره جرحه يلمّه
الوعد من الذر والاصلاب
******************
گوم العباس الله أيعينـــــــــه** ونظر سهم المارد عينه
عالشاطي وگعن ݘفينــــــه **الراس ابعامود أمهشمينه
يمينه الرايه وجوده بصدره
أيرد لخيمنه أبمايه ونصــره
دمع احزاني ظل سݘّاب
*****************
گوم أوشهاد عرس المأتم**سيوف أتزفّه وحنّه من دم
وعالاكبر الموت أتحتَــم **نهار وليل أظلم لمخيــــّم
وست شهور وگطعوا ورده
جيش بآلآف الكـــــــل ضدّه
الدم من نحره صب خنياب
******************
گوم احضر لحسين وحاله ** مذبوح ومگطوعه أوصاله
بضلوعه داست خيّالــــــه ** وزينب دمع الدم همّالـــــه
بلا حادي ضعنه للكوفه
فرحانه الشمات تشوفــه
العاشر ماخلّه احباب
گوم أحضر ياداحي الباب