راعي الرايه

[خالد محمد مهدي الحجار]

((راعي الرايه))
********************
راح مارد ألنه راعي الرايه
عله الشريعه بكَه جوده ومايه
***********
راح مارد ألنه والدنيه أظلمت
حتَّه شمس الكون لغيابه عمت
عله روحي روحي لفراكَه سلت
العيله وخيامه تريد حمايه
************
كَصد متحزّم بجود آماله
يرجّع البسمه الشفاه أطفاله
ويلي عالساقي صفه بياحاله
كَلبي شيصبره ويصبر بجايه
**************
غيوم دنيانه دمه صبَّت مطر
والحرارير طاحن بنصن الخطر
لابكه حادي يماشيهه السفر
دروب ظلمه تاهن بلا رايه
***************
نبوس جفذينه لون ألنه يرد
ماتعودنه عليه بهل البعد
طبع ابو فاضل يدّور المجد
حكَه راعي الزود هاي الغايه
************
الجود والرايه بجن لجفوفه
كوه كّوّه عليهن من تعوفه
أعرف وفاه وأدري شنهو ظروفه
أعتذاره جفوفه صارن آيه
*****************
سهم عينه العيني أطفاهه بعد
غيرته أعرفهه ميخون العهد
ويَّه حيدر جفَّه وقع العهد
أخذ جفّي بأيده عن درايه
***************
من وصلنه وكّف لخيامي حرس
بمدرسة حيدر وآياته درس
سيفه لبيمنته لعدانه أفترس
يرسم عله ركّابهم لمنايه
***************
بعازة العباس كل لحظة وجود
بطيحته الظلآّم داست عالحدود
صحت وينك يامن بروحك تجود
مجلس الطاغي عمه عينايه
*************