تويت
لسان حال رمله مع ولدها القاسم عليها السلام
((يبن الهواشم))
*******
الشهاده تلوك ألك يبن الهواشم
وفرح لو ترد يوليدي سالم
هذا اليوم فخرك
أتباشر بنصرك
**********
أكصد ياشهم وسمع اخبارك
يطول أعله الكَلب يمَّه أنتظارك
بعيوني تشع شمسه النهارك
خلي الحومه تكشف عن أسرارك
جيب وياك فجرك
أتباشر بنصرك
**********
ماريدك ترد يمه أخذه للحيف
أحنّيك بدمه والزفَّه بالسيف
حالي ترحمه لو مرّيت بالطيف
يغالي مُرعله أمَّك نسمه بالصيف
روح أموافي درَّك
أتباشر بنصرك
**********
يازينة شباب الروح والعين
اليوم الحسن رايد يفرح حسين
يالعريس أخذني وياك للبين
عله غيابك تشب بكَلبي نارين
لبعادك وعرسك
أتباشر بنصرك
**********
جنت بحماي يمَّه وآني بحماك
وأحس ترتاح روحي بلحظة رضاك
عندك كَلب ماتاخذني ويّاك
شلي بدنياي ظلمه أتصير بجفاك
هل الدنيه تغدرك
أتباشر بنصرك
**********
اذا ردّيت ألي أعلن الزفَّه
وأحني بالدمه جفوفك الترفه
عله شفاف الحزن أرسم البسمه
اذا متعودلي ماكَول وسفه
وأحزاني تعذرك
أتباشر بنصرك
**********
تعليق