تويت
جبل متهزهه الرياح .. رغم همهه والجراح
هاي زينب .. هاي زينب
صدك شافـت ضيم ماشافه بـشـر
وصدك من الزغـر عاشت بالكـدر
صدك شافت ضلع امهه من انكسر
لجـن ماجزعت ورسمت هالصور
امئصله ابا وجد ... وبالشدد جنهه اسد
هاي زينب .. هاي زينب
صدك من جابوا ابوهه منطبـر
اتلكـته بدموع تـنزف كالجمـر
وبيدهه ضبرئت راسه المنفطر
وبالوداع اتصيح ريض ياالذخر
صدك حست باليتم ... لجن رفضت تنهزم
هاي زينب .. هاي زينب
صدك احنـتهه المصايب والالم
وصدك منهه الحيل ياويلي انهدم
صدك سنهه ماضحك مره وبسم
وصدك صوبهه وكتهه ابلارحم
لجن ضلت صامده ... وكسرت اخشوم العده
هاي زينب .. هاي زينب
منهو يوصلهه ابصبرهه يابشر
وياكلبهه رئـبه عالهم والكـدر
اكبالهه شالوا طشت دم اوذر
بيه لخوهه جـبد بالسم انصهر
صدك دمعتهه تهل ... لجن ماقبلت تذل
هاي زينب .. هاي زينب
واكثر اللوعات لوعة كربله
فجعت الحره بت عقد الوله
تنضر الوليان كلهه امجندله
والهه ماضل ناصر ابهالمعضله
صدك دمعتهه دمه ... لجن صنعت ملحمه
هاي زينب .. هاي زينب
رادوا أيذولوهه اميه باليسر
لجن ذلتهم الحره ام الخدر
عرفتهم شنو تربات الطهر
وابـد ماهبطت مـره للكفـر
شامخه ابعلوا الجبال ... وهذا واقع موخيال
هاي زينب .. هاي زينب