ابهيده يالجنازشيل اجنازته .... قصيده للامام السجاد عليه السلام

ابهيده يالجنازشيل اجنازته *** وريض ابممشاك نادت شيعته
........

ريض ابممشاك بالك تلجمه

أمجرح السجاد هاليكطر دمه

وتدري يالجناز جثته أمهشمه

من سياط الحاقده المارحمته
..............

تدري عده اجروح ماالهه عدد

ورغم عمره الفات ماطابت ابد

وتدري لويسمع مصابه البالمهد

جان شيب هالطفل من ساعته
...........

أشلون يالجناز يشفاله جرح

وصور اهله اكبال عينه تنذبح

عايشه وياه كـل لـيل وصبـح

ويسمع ابكل لحضه صوت العمته
............

لوتـمـر مـن يمه زفـه للـشباب

يـذكر القاسم الغـطاه التـراب

ولو يشوف اكباله طفله ابلا حجاب

يذكر اخته ابكربله من ندبته
...........

ومن يصد للماي روحه تنصدع

وعينه بس تجري يغركه الدمع

ويذكر ابلحضته طفل المنصرع

ونبلة العدوان لمـن حرمته
................

مره يتراوله عمه اعالنهر

امكطع الجفين محزوز النحر

ومره يتراوله شاب وكالقمر

يشبه الهادي اخوه ابطلعته
...........

إعـــــــلان