تويت
الحسن مسموم يويلي اشحالته
يصد الحسين ويلـوج ابعبرتـه
.............
ضجت اليوم دارك يالولي
وللبجي صوت بيهه يعتلي
وكله تندب وتنادي ياعلي
هذا ابنك احضره بشدته
..............
..............
جبده يتكطع أوعينه تصب
وحيل مابيه يحيدر ينكلب
ولون شفته يكشاف الكرب
اشلون يتلوه من سم جبدته
................
................
يصبر حسين رغم هذا الوضع
وبـيـده يمسح مـن خـده الـدمـع
ايـكلـه مـااريـد كـلبك يـنصدع
ودمـعتك هاي الجـبدي مـردته
..................
..................
ايكله يحسين عليك انت البجي
مـو عليه وحـك طـاه النـبي
باجر اتدوسك اصحاب البغي
وراسك اتكطعه ناس البغضته
....................
....................
انه راح انـدفـن بـرض البـقيـع
والهـواشم تحضرني الجـميـع
لجن انته تضل دامي وصريع
وجسمك ايضل يشكي غربته
..................
..................