السلام عليكم ورحمة الله وبركاته
اللهم صل على محمد وال محمد
*********************
إنته شلك داعي من أصرخ أمير
يالدعيت بغير صرخات الضمير
هم شفت حاكم كبل هاي العصور
بات صايم حته يطعمله أسير
حيدره ------ يا حيدره ------ يا حيدره
بات صايم حته يطعمله أسير
&&&&&&&&&&&&&&&&&
إمي بالكاروك علمتني عليك
وكامت تناغيني بإسمك يالولي
تحجي بيك أشعار بالبيت وتدور
وسمعوا الجيران وأصحابي وهلي
وآنه حكي من أفتخر بالتسميات
بكيفي أسمي فلان شي راجع إلي
والله لو ترضى وتوقعلي النفوس
عشرة من ولدي لأسجلهم علي
حيدره ------ يا حيدره ------ يا حيدره
بات صايم حته يطعمله أسير
&&&&&&&&&&&&&&&&&
ومن أصيحن يا علي كلهم يجون
نكعد شمحلات جمعتنه سوه
بعد ما أحتاج بالظلمة النهار
لأن من وجوههم يطلع ضوه
يعني عايش يا علي ويه الضمير
والضمير البيه يعني إنته الهوه
ومن يمر إسمك تمر الطيبات
بلسم المجروح وعلاج ودوه
حيدره ------ يا حيدره ------ يا حيدره
بات صايم حته يطعمله أسير
&&&&&&&&&&&&&&&&&
إذاً إسمك يا علي بعرش الإله
قبل آدم بل ألف آدم مضى
قررت توني وصدر كلبي القرار
لكل محب شيعي أصيحن مرتضى
لأن أول من تبع نهج الرسول
وخل يطك بحيط راسه الما رضى
حامل القرآن بلسان فصيح
ويافضاء الكون من علمك فضى
حيدره ------ يا حيدره ------ يا حيدره
بات صايم حته يطعمله أسير
&&&&&&&&&&&&&&&&&
إنته بالإنجيل مذكور إنته نور
وإنذكر مولاي إسمك بالزبور
حتى بالقرآن ربك خلداك
يعني حاضر يا علي كل الإمور
طه وإسماعيل وأحباب البتول
وحتى جبرائيل عماه السرور
لأن الله إختارك بيوم الغدير
إذاً كلك نور من نور إعله نور
حيدره ------ يا حيدره ------ يا حيدره
بات صايم حته يطعمله أسير
&&&&&&&&&&&&&&&&&