تويت
من الواقع ... رحت اشتري دجاجة محمرة ،انا واگف جان يجي رجال شايب مبين عليه فقير ومحتار . سأل ابو المطعم بيش الدجاجة قاله 6000 الف.. الحجي طلع من المطعم وكعد يحسب بفلوسة وشوية ورجع لابو المطعم كله زين ما عندك دجاجه صغيرة او تالفه وتنقصلي من سعرها
ابو المطعم طلع تلفونه وكام يحجي بالتلفون وفرحان ويضحك الحجي خطيه من شاف نفسه ابو المطعم ممهتمله استحى وراح وكف على صفحه ينتظر ابو المطعم يكمل تلفونه وانا مصدوم ليش هيج ديتعامل وي الفقير وضنيت السوء بيه و بيني وبين نفسي كلت اني ادفع للحجي فلوس الدجاجه ولا هيج ينذل هذا الفقير ودانتظر ابو المطعم يكمل تلفونه كمل ابو المطعم تلفونه وهو فرحان جان يروح كبل يجهز دجاجه مع الخبز والمقبلات
واجه صاح الحجي كله تعال حجي تعال الظاهر انت وجهك وجه خير عليه هسه خابروني زوجتي جابت توأم وهاي الدجاجه مني الك هديه بهاي المناسبه أخذه الحجي وكام يدعيله دعاوي خير ورزق وراح ومن بعد ما شريت وخلصت كتله يابه مبروك عليك ويتربون بعزك جان يضحك ابو المطعم وكلي لا يمعود ماكو هيج حجي انا كذبت كذبه بيضه وان شاء الله الله ميحاسبني عليها كتله شلون بشنو جذبت كلي هذا الرجال اعرفه
وهو صدك محتاج وفقير وحالته تعبانه وعندة ٣ بنات وزوجته وبناته يساعدنه بحياكة ليفة الحمام وهو يفتر يبعهن بس ميقبلون واحد يتصدق عليهم ولا هو ياخذ صدقه وانا سويت هذا الفلم گدامه حتى انطي الدجاجه هديه مو صدقه وانا حبيت انطي الدجاجه مجانيه بس بدون ما احسسه انو هو إنسان فقير وانا اتصدق عليه
#الصراحه الموقف صدمني ودمعت عيوني وحاولت اتمالك نفسي وكتله لعد ابريني الذمه لأن ضنيت بيك سوء من شفتك تجاهلت الحجي...
💐💐💐💐💐💐💐
