تويت
اللهم صل على محمد وآل محمد
يگول الشيخ عبد الزهره الكعبي (قدس الله سره) رحت وي احد العلماء مطلع الستينات لمدير الاذاعة والتلفزيون علمود ينطينه مجال لقراءة عزاء الامام الحسين ع ورفض مدير الاذاعة الطلب وبعد الحاح عليه وبسبب لباقة الكلام گدرنه انقنعه وانطانه وعد يوم العاشر من المحرم راح يصير بث مباشر من يم الصحن الحسيني ولما طلعنه من مدير الاذاعه كان عدنه يقين ما راح يوفي بوعده لان الامور مضطربه بداية الستينات وبعض التوجهات الحزبية المدعومه تبث سمومهه الدموية على فكر الال الكرام،،،،
يگول يوم الوعد ولما صار يوم العاشر من المحرم وبقرب الصحن الحسيني كانت سيارة البث المباشر صعدت المنبر وتمت قراءة المقتل الحسيني بالشكل التسمعونه الان وصار تعاطف كبير والشوارع ضجت بالناس وبعويلها والبكاء وبنفس اليوم تم اذاعة المقتل مرتين ولما سمعنا العصر اصابنه التعجب ليش انذاع مرتين بعد ما كان مدير الاذاعة رافض لعملية القراءة من الاصل!!!!
يگول الشيخ عبد الزهره رجعنه لمدير الاذاعه واستفسرنه منه عن سبب اذاعة المقتل للمره الثانية بعد ان كان رافض للفكره،،،
گال مدير الاذاعة،،،، لما انتهى البث مباشرة اتصل قائد عسكري كبير بالجيش العراقي وطلب اعاده بث المقتل مره ثانيه ولما اخبرته ان سياق عمل الاذاعة لا يعيد بث الماده مرتين في نفس اليوم فكيف اذا كانت الماده مدتها ساعات؟؟؟
ثم ان (والكلام لمدير الاذاعة)
جاوب الضابط الكبير بعد ما صار عصبي وبقى يصيح وگال لمدير الاذاعة انا لست شيعيا لكن لا اريد للحقيقة ان تطمس
ولما استفسر مدير الاذاعه من الضابط وراد يعرف سبب اصراره على اعاده البث
گاله الضابط لما رجعت للبيت شفت زوجتي تبچي بصوره عجيبه ولما سألتهه مم بكاؤك؟؟؟
فأشارت للمذياع وعرفت انها تسمع شيء ولما سمعت معها انهارت دموعي بلا هواده حزنا على مقتل ابن الرسول وكان صوت القارئ ذو شجن يفطر القلب حيث استطاع ايصال فكرة مظلومية الامام الحسين بصوره عجيبه لكن وقت قصير وانتهى البث وانا اريد ان اسمعه وحتى تسمعه ملايين الناس غيري,,,,
طبعا مدير الاذاعه يگول من كثر ما صار عصبي ذاك الضابط عبالي راح يشغل الدبابات ويحتل الاذاعه،،،
وبالفعل تم اعاده البث عصر ذلك اليوم
وبالبث الثاني للمقتل الحسيني تم نسخه من قبل اذاعه الاحواز واذاعه الكويت وتم انتشاره بصوره عجيبه والقراءة التي نسمعها هي التسجيل الوحيد ولم يستطيع الشيخ عبد الزهره الكعبي قراءته مره ثانية بل لم يجيده كما في الاولى والعلم عند الله،،،،،
وبقي سر الاجاده في قراءة المقتل الحسيني ومسير السبايا في الاربعين لا يعرفه احد ولا يستطيع حتى تقليده اي احد،،،،،
اكرم الله مثواك ياشيخ وتولاك برحمته وجعل روحك الطاهره في رحاب محمد وال محمد الذين افنيت عمرك وتحملت البرد والغربه والجوع والاعتقال والظلم في سبيل احياء فكرهم النير..