إعـــــــلان

تقليص
لا يوجد إعلان حتى الآن.

أبوذيات منوعة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خليل علي الزبيدي
    رد
    توجك الله تاج عفوه وعافيته وسدد مراميك بمحمد واله

    اترك تعليق:


  • اياد الفرح التميمي
    رد
    أبجاه أمك وأبوك وجاه وجهاك
    شع نور الكمر من نور وجهاك
    الكعبة توجهت من جهة وجهاك
    صرت قبلة وعليك اتصلي هيه
    .......
    الشاعر
    اياد الفرح التميمي

    اترك تعليق:


  • الأزري
    رد
    سيئة الدنية بس حبك حسنها
    الجنان ابتشرت وبين حسنها
    الزجية تلألأت ولدت حسنها
    وخصه بهل اسم رب البرية

    نور الله أيامك أيها المبدع

    اترك تعليق:


  • اياد الفرح التميمي
    كتب موضوع أبوذيات منوعة

    أبوذيات منوعة

    صومي أنت يبو صالح ولسحور
    وبسـمك مـا يمض بيه ولسحور
    يليلي وكل وقت عندي ولسحور
    أذكـرك والـدموع تفيض بيه
    .......
    الغيـوم شعجب ما برجن ورمضان
    رمض حته العطش بيهن ورمضان
    الهظم عـاشور صومهن ورمضان
    العليلة فـاطـمة وسكـنه ورقـية
    .......
    سيئة الدنية بس حبك حسنها
    الجنان ابتشرت وبين حسنها
    الزجية تلألأت ولدت حسنها
    وخصه بهل اسم رب البرية
    ........
    مصدر كـل كرم جفك والإحسان
    حسنك ما اضن مثله والإحسان
    نحن الشوفتك تدري والإحسان
    زحف مولاي نمشي عله ألمنيه
    ..........
    شكثر مشتاكه يابويه وريدك
    جنت اغفه على جفك وريدك
    شمر شفته يحز منك وريدك
    شبكت راسك لكيته بين أديه
    ..........
    إلـف طير أبمحبتك حط والفطار
    ثواب الصوم إلك اهدي والفطار
    وعـلى فراكك تره بكلبي الفطار
    يبو محـمد ملكت الروح بيه
    ..........
    وصل جودك لعد زينب فضلها
    وجنت رايد ترد لختـك فضلها
    نبع روحـك يبو فاضل فضلها
    بحروفك اسمك ترويها رقيه
    ........
    عباتي الريح بألطف ما يهزها
    وعودي الجربه بيده ما يهزها
    كفيلي الراية وكفت ما يهزها
    لان طاحن جفوفه عله ألوطيه
    ........
    ورث ألها المصايب من سباها
    جذب انسه العقيله من سباها
    وأبو فاضل أخوها من سباها
    سباها الشمر بأرض الغاضريه
    .........
    الكفـر لمن سبوني من سبوني
    تعـرف ألي سبوني من سبوني
    صحت عباس وينك من سبوني
    السبوني تـفرجوا خويه عليه
    ........
    ألهامك يا علي الظالم منلها
    اليتامه من بعـد جفك منلها
    وزينب تـدري أتمنت منلها
    تموت وياك حيدر هالمسيه
    ..........
    صبح اظلم صبحها من صلاها
    صلاة الفجر حيـدر من صلاها
    بسيف يفـور هامه من صلاها
    نزف دم الـعرش فوك ألوطيه
    ..........
    الشاعر
    اياد الفرح التميمي
يعمل...
X