تويت
كبداية لازم نعرف ان القلب هو اهم اعضاء الجسم في الانسان لان هو المسؤول عن ضخ الدم ولذالك لازم نحافظ على هذا العضو المهم.
زين هنا سؤال المحافظة على القلب تقتصر على الكبار بالسن
الجواب اكيد لا لان لازم جميعنا نلتزم بالاجراءات الي من خلاله نحافظ ع قلبنا صحي وسليم حتى نتجنب العديد من الامراض من نتقدم بالعمر
راح نقدم بعض النصائح البسيطه ونكدر نطبقه بالبيت للمحافظة على قلب صحي وسليم
كبداية نكدر نحافظ على القلب من خلال الالتزام بالاطعمة وناكل الاشياء المفيدة والي تساعدنا بالمحافظة على صحة القلب
اولاً: تناول الاغذية الغنية بالالياف زين شنو فائدة الألياف؟ وبأي نوع من الأطعمة متوفرة؟
الجواب سهل لان تناول الاغذية الغنية بالالياف يساعد على تقليل السمنة والعديد من امراض القلب والالياف متوفرة بالبقوليات وأنواع هواي من الفواكه مثل التفاح والبرتقال والتوت وغيرها من الفواكه وما ننسى ايضا المكسرات مثل اللوز والفستق وانواع هواي من الاطعمة الاخرى.
ثانياً: هي التقليل من الاغذية الي تحتوي على دهون مشبعة في بعض انواع المأكولات والي راح ترفع نسبة الكوليسترول وهذا يزيد من خطر الاصابة بالنوبة القلبة.
نكدر أيضاً نتناول االاسماك بشكل منتظم والي تكون غنية بالزيوت والاوميكا 3 والي تحمي القلب من الأمراض.
ثالثا: ما ننسى تقليل الملح وطبعا هذا الشي كلش مهم لان زيادة الملح يؤدي الى العديد من الأمراض منها ارتفاع ضغط الدم وأمراض القلب.
اخيرا زيارة طبيب القلب بشكل منتظم بالنسبة لكبار السن وعمل الفحوصات اللازمة للأطمأنان على صحة القلب