تويت
حكاية مثل (زعلة كلو)
دائما نسمع من اهلنه يردوون على شخص اذا يزعل او يطلع يكلوله (زعلة كلو) الي راح ومارد
كلو هو شاب قوي ونشمي من عشيرة خفاجة ..صارت مشكلة بينه وبين عمامه فزعل منهم وقرر يفاركهم ويسافر ..
كعد من الصبح ولم غريضاته بصرة وطلع غباش متوجه لسامرا لواحد من صحبانه ..
قبل لايوصل شاف بستان وكعد يرتاح شويه ..لهناك وشاف راعي غنم عندة حلال جثير يرعى بيه ..طلع متاعه خبيزة وشويه تمرات وكاعد ياكل ..ولن يشوف اثنين حرامية راصدين الراعي يردون يبوكون غنماته ..
ولمن وصل الراعي يمهم هجمو عليه ورادو يكتلونه
هذا الحجي وكلو يشوف ويسمع صياح الراعي ..فهنا اخذت كلو النخوة والشجاعة الجنوبية وسل خنجرة وهجم على الحرامية وكتل واحد منهم وصوب الاخر وخلص الراعي من شرهم ..
الراعي اخذ كلو وياه للبيت واكرمه وراد يكافئة على شجاعته
وسولفله كلو انه زعلان وي عمامة
الراعي كله بويه انت من هالساعة ابني وحلالي اجسمه بالنص بيني وبينك وعندي بنيه وحيده راح ازوجك اياهه وتصير ابني وشريكي
طبعا كلو ماكدر يرفض هذا العرض والي هو هبه من الله سبحانه وتعالى وتزوج بنت الراعي وصار هو يسرح بالحلال وشاف كل الخير من رفكته للراعي وبنته
وبعد وفاة الراعي ورث كلو وزوجته كل الحلال وبقه ساكن بهاي المنطقة الي تصير بين سامراء والضلوعية منطقة (سميجة)الى آخر عمره ..
وعلى ذكر عمامه دورو عليه سنين طويلة ومالكوه وماعرفو عدل ميت فانضرب المثل على اي شخص يطلع ومايرجع يكولون (روحة كلو او زعلة كلو )
دائما نسمع من اهلنه يردوون على شخص اذا يزعل او يطلع يكلوله (زعلة كلو) الي راح ومارد
كلو هو شاب قوي ونشمي من عشيرة خفاجة ..صارت مشكلة بينه وبين عمامه فزعل منهم وقرر يفاركهم ويسافر ..
كعد من الصبح ولم غريضاته بصرة وطلع غباش متوجه لسامرا لواحد من صحبانه ..
قبل لايوصل شاف بستان وكعد يرتاح شويه ..لهناك وشاف راعي غنم عندة حلال جثير يرعى بيه ..طلع متاعه خبيزة وشويه تمرات وكاعد ياكل ..ولن يشوف اثنين حرامية راصدين الراعي يردون يبوكون غنماته ..
ولمن وصل الراعي يمهم هجمو عليه ورادو يكتلونه
هذا الحجي وكلو يشوف ويسمع صياح الراعي ..فهنا اخذت كلو النخوة والشجاعة الجنوبية وسل خنجرة وهجم على الحرامية وكتل واحد منهم وصوب الاخر وخلص الراعي من شرهم ..
الراعي اخذ كلو وياه للبيت واكرمه وراد يكافئة على شجاعته
وسولفله كلو انه زعلان وي عمامة
الراعي كله بويه انت من هالساعة ابني وحلالي اجسمه بالنص بيني وبينك وعندي بنيه وحيده راح ازوجك اياهه وتصير ابني وشريكي
طبعا كلو ماكدر يرفض هذا العرض والي هو هبه من الله سبحانه وتعالى وتزوج بنت الراعي وصار هو يسرح بالحلال وشاف كل الخير من رفكته للراعي وبنته
وبعد وفاة الراعي ورث كلو وزوجته كل الحلال وبقه ساكن بهاي المنطقة الي تصير بين سامراء والضلوعية منطقة (سميجة)الى آخر عمره ..
وعلى ذكر عمامه دورو عليه سنين طويلة ومالكوه وماعرفو عدل ميت فانضرب المثل على اي شخص يطلع ومايرجع يكولون (روحة كلو او زعلة كلو )