إعـــــــلان

تقليص
لا يوجد إعلان حتى الآن.

كلشي أخذ مني السبي ... للشاعر حيدر تركي الكربلائي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كلشي أخذ مني السبي ... للشاعر حيدر تركي الكربلائي

    كلشي اخذ من السبي .. بس اظل بنت النبي
    الدنيه انه الحَجبتها
    بالحجاب الـزيـنـبي

    ----------------------------------

    لاتجرئون .. مــن تــذكــرون الجــره والــصار بــــيه
    لاتجرئون ..(علي) خدري وعفتي (الزهره) الزچيه
    لاتجرئون .. صـح مشــيت اويــه الشـمر انــي سـبيه
    لاتجرئون .. لـــچــن خــــدر الدنـيه لابــسـته عـــليه

    مو عبايه بل عبي .. بس اظل بنت النبي
    الدنيه انه الحَجبتها
    بالحجاب الـزيـنـبي

    ----------------------------------

    انه زينب .. كلي عـفه وهــاي عـــني مـو بعيـده
    انه زينب .. اليذكر اسـمي كـون يتــوضه اريـده
    انه زينب .. غايـب العـبـاس شفــتوني وحـيده
    انه زينب .. اشعر ابسوط الشمر بشچم قصيده

    منكم اطلب مطلبي .. بس اظل بنت النبي
    الدنيه انه الحَجبتها
    بالحجاب الـزيـنـبي

    ----------------------------------

    بت محمد .. النـبي وامــي والـدي لمــن يگـــعدون
    بت محمد .. امنسمي جبرائيل يخجل من يذكرون
    بت محمد .. طـولي ياهالــناس بالله لاتــوصــفون
    بت محمد .. تـره يـزعل كافـلي وبالــگمر تـدرون

    وتره احلفه ابمعصبي .. بس اظل بنت النبي
    الدنيه انه الحَجبتها
    بالحجاب الـزيـنـبي

    ----------------------------------

    من سبوني .. والله ادري الدنــيــه بچــاها مـــصابي
    من سبوني .. ال امـيه اتــفــننــون هــمــه بــعــذابي
    من سبوني .. كلشي من عندي وگع بس ظل حجابي
    من سبوني .. طـولي ماشـافوه بــس شافــو سرابي

    ومن نظرلي الاجنبي .. بس اظل بنت النبي
    الدنيه انه الحَجبتها
    بالحجاب الـزيـنـبي

    ----------------------------------

    راسي عالي .. ظنهم ايـذلوني ابرحله طويله
    راسي عالي .. والمصيبه الي جرتلي مو قليله
    راسي عالي .. اني بس بالليـل المــدمع اسيله
    راسي عالي .. حـتى ميگولون زينــبكم ذلـيله

    والطغــاة ابمــوكبي .. بس اظل بنت النبي
    الدنيه انه الحَجبتها
    بالحجـاب الـزيـنـبي

    ----------------------------------

    لاتسألون .. مـنو هـذي عالهـزل يانــاس كافي
    لاتسألون .. لايفز راس الاخـو الـعالرمـح غافي
    لاتسالون .. الـشام من طبيـته حيرته ابعـفافي
    لاتسألون .. زينب وتسبـيحة الزهره ابشفافي

    هايــشام اتـهذبي .. بس اظل بنت النبي
    الدنيه انه الحَجبتها
    بالحجاب الـزيـنـبي
    ----------------------------------
    تمت والحمد لله في ٢٢ / ١١/ ٢٠١٥
    حيدر تركي الكربلائي





  • #2
    أأحسنتم أخ عاشق رقية
    الملفات المرفقة

    تعليق


    • #3
      المشاركة الأصلية بواسطة ابو امنة مشاهدة المشاركة
      أأحسنتم أخ عاشق رقية
      أحسن الله لك عزيزي أبو أمنه

      نورت الموضوع أخي الغالي




      تعليق

      يعمل...
      X