تويت
لبس الكون حداد قتلوا زين العباد
قم ونادي في البلادِ
قتلوا زين العباد
عفه كلبك يبو الباقر جم هظم كادر يجرعه
شكد شفت انته بحياتك جم مصيبه وفاجعه
شاهدت راس الصميده وشفت ابوك ومصرعه
وعالنهر شفت الجفيل وشفت اديه مكطعه
لم تجف منك الدموع سيدي حتى النزوع
لا تلمنا أن حزنا
قتلوا زين العباد
شاهدت بالطف مصايب سيدي تشيب الطفل
عفه صبرك يبو الباقر باهلك الخلصو جتل
شلون من شفت السبايه مجتفات اعله الهزل
وسيدي بسير السبايه مات جم طفله وطفل
كنت بالنفس تجود أنت يا سر الوجود
والعزاء في السماء
قتلوا زين العباد
من مصاب الغاضريه عينك تصب الدمع
تذكر شلون الحسين بصدره ماخلو ضلع
الدعاء اعلام ثوره وجان صوتك ينسمع
يشكي لله راس ابونه عالرمح من يرتفع
قلت لسنا بعبيد حين خاطبت يزيد
قلت صبراً هذا امراً
قتلوا زين العباد
شما نظرت الماي تبجي كبالك يصير المصاب
يا عظم ذيج الرزيه الخالده ليوم الحساب
اني ابن مكه ومناهه ونزل في بيتي الكتاب
ايدي مجتوفه ويعمتي الما وكع منهه الحجاب
جرحنا ادمى الجفون هل عرفتم من نكون
روعونا سلبونا
قتلوا زين العباد
من بعد كل الجرالي وعكب لوعة كربله
وعيني ماكفت دمعهه من مصاب العايله
دس ابن مروان سمه قتلي هوه اتكفله
القتل والسم قدرنه الامر هذا من اوله
قالها طه البشير نعلم هذا المصير
والشهاده لنا عاده
قتلوا زين العباد
تعليق