إعـــــــلان

تقليص
لا يوجد إعلان حتى الآن.

امسه راس الحسين ويه الجسم امسه (قصيدة حسينيه مكتوبه وفيديو و mp3 عن الاربعين)

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • امسه راس الحسين ويه الجسم امسه (قصيدة حسينيه مكتوبه وفيديو و mp3 عن الاربعين)

    امسه راس الحسين ويه الجسم امسه
    و الراس يشكي الحاله لن سحكته االخياله
    َََََََََََََ
    عن لسان الحال ابين خبر عن راس الحسين
    من تلاكه ويه الجسم بالكبر يوم الاربعين
    حين شاف الجسم راسه انعطف و ابداله الحنين
    و اظهر الصوت من النحر يا راس ابن سيد البشر
    عكبك علي تدري اشسدر لعبت الخيل اعله صدري
    و بالحوافر رضته
    دفني وغسلني ضامي بكربله دفني
    متوسد اعله رماله لن سحكته الخياله
    َََََََََََََََََََ
    للشاعر الاديب الحاج كاظم منذور الكربلائي
    اويلي بالشمر شخبر بيوم الي على صدري اعتله
    وفرز عني راس الحسين ابن عقد الوله
    ورفعك عني وانه ابكيت مرمي بالفله
    لني من جروحي متت ومن دم وريدي اتغسلت
    ابدار الوطيه اتجفنت الراس ما دنو اخبرك
    حالي و جرت دمعته
    راسك ياجسم تدري بالكطع راسك
    عالرمح لمن شاله لن سحته الخياله
    َََََََََََََََ
    اويلي اهنا يجسمي ان جان ذاري الريح سوالك جفن
    راسك ابديرة الكوفه ابطن تنور انسجن

    و تشهد ابهاي الحواري النزلت ويه ام الحسن
    ابهودج النور من السمه يا جسم وامي فاطمه
    منهه المدامع ساجمه و ما جن بدار الخوله
    على مصابي نصبته
    مصابي و امي الزهره تحن على مصابي
    ودموعهه هماله لن سحكته الخياله
    ََََََََََََََََ
    اويلي و الجسم ناده اهنا يراسي من الضمه جبدي انفطر
    وسهم المثلث ابكلبي مضى و اطلاعه الظهر
    وما بكه مفصل صحيح و عظم سالم لا نكسر
    و تعلم الجمال اشصنع للخاتم افتر و طمع
    و خنجره جفي كطع وحتى هدم الي عليه آل اميه سلبته
    ضامي ياراس منهوا المنجتل ضامي
    ومثلي انفطر دلاله لن سحكته الخياله
    َََََََََََََََََََ
    أويلي أموذر أبحد النواظي أمهشم أبحافر الخيل
    ومن أجتي لعد دفني الاسد و تعين العليل
    بين اديه اتشيل مني كتر و الثاني يميل
    ومن اجلست لن شاهدت حالي و على أمصابي بجت
    ومن علي السجاد انشدت هالشهيد أشجان ذنبه
    و طاحنيه الجثته
    دمه ماله عشيره التطلب ابدمه
    و تنشد على جتاله لن سحكته الخياله
    َََََََََََََََََََ
    أويلي الراس نادة أهناه يجسمي ايهون الي بحالك سدر
    لاكن الي جره أبحالي ايفسر الصم الصخر
    اني باريت العيال الدرب كله أبهالسفر
    وأنه المشيت ويه الضعن وأجرعت جاسات المحن
    وأنظر خواتي تلوعن بالعصي و شفت العليل
    الطوك جرح ركبته
    عياله أشحال اليشوف أبعينه أعياله
    تحمل عصا لجماله لن سحته الخياله
    َََََََََََََََََََ
    أويلي يا جسم و الي هضمني و خله دمعي أيكت حمر
    من شفت متني أختي من السوط صاير بيه أثر
    و كل عصي لوعت زينب لجمت أصواب الحجر
    و عيني على عيالي ترد و دمعي عليهه منسكب
    اني انظرب من تنظرب وكل طفل من يظربونه
    يستجير ابعمته
    راسك ياجسم من فوك الرمح راسك
    يجري الدمع لاطفاله لن سحكته الخياله
    َََََََََََََََََََ
    أويلي و شفت بالكوفه مصايب لاجن الاعظم الشام
    مدري الفرجت الوادم أصد لو أرعه الايتام
    شفت بالمجلس حريم أو واكفه بين اللئام
    وزينب الحره مجتفه مهبطه الراس أو واكفه
    وكام أبن هند ايتخطه يعرف زينب رادته
    زينب يا جسم ماتدري أشجره أبزينب
    من الدهر و أهواله لن سحته الخياله
    َََََََََََََََََََ
    أويلي الجسم ناده بهالمصيبه كل مصيبه هونت
    لاجن اخبرني أعيالك كلهه و ياك أرجعت
    و بعد منه يبو السجاد بالشام أعكبت
    ناده يتيمه أتعكبت مو عجبه لا جنه كضت
    ماتت غصب من شاهدت
    أشبيدي ياجسم حكك لا جن أشبيدي
    أعليه دنت أجاله لن سحته الخياله
    ــــــــــــــــــــــــــــــــــ
    و الى أرواح المؤمنين و المؤمنات ومن مات على الأيمان و بالأخص روح المرحوم حمزة الزغير ووالدي يرجى قراءة سورة الفاتحة

    التعديل الأخير تم بواسطة الأزري; الساعة 05-11-2016, 09:24 PM.





  • #2
    بارك الله بكم أخ عاشق رقية ورحم الله والديك
    ونرجوا من جنابكم عدم إضافة روابط للمشاركة لأنه تحذف وربما يحذف الموضوع
    تقبل فائق الشكر وموصول الدعاء اخي العزيز

    تعليق


    • #3
      المشاركة الأصلية بواسطة الأزري مشاهدة المشاركة
      بارك الله بكم أخ عاشق رقية ورحم الله والديك
      ونرجوا من جنابكم عدم إضافة روابط للمشاركة لأنه تحذف وربما يحذف الموضوع
      تقبل فائق الشكر وموصول الدعاء اخي العزيز
      أخي الأزري نورت الموضوع ولكي يفهم الزائر القصيدة وطورها لابد من سماعها

      و شكراً لك




      تعليق

      يعمل...
      X