إعـــــــلان

تقليص
لا يوجد إعلان حتى الآن.

ما نتحمّل تعتب خوله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ما نتحمّل تعتب خوله

    مـــــا نتحمّل تعـتب خوله
    *******
    سمعنه مـــن باسم ما كاله
    عـــــن خوله وذايب دلاله
    تشفعله الباســـــــم وأمثاله
    بيوم المحشر هـــــوّ وأهله
    *******
    خــــــادم إلها الحب العتره
    الشاعر والكاتــــب واليقره
    مــا ينسوها وضلع الزهره
    والينساها يكطــــــع وصله
    *******
    كل مله مــــن عدنه وشاعر
    لخــــدمتهـا ممنون وحـاضر
    خــــــادم إلها يبقـــه وناصر
    بدفترهـــــــا يتمنّــه تسجله
    *******
    خدّام إلها ومـــــــا ننساها
    ونضل نتواصــــــل وياها
    شيعتها أحنـــــــــه ونتباها
    مــــن علينه الباري بفضله
    ******
    خوله شافـت ضيم وحسره
    بيوم العاشر من حل ظهره
    وسارت درب الشام ميسره
    وأيديها بحبـــــــــال مكبله
    ********
    شافت والـــــدها وحـز نحره
    والخيـــل اللي رضت صدره
    مــــــــن بعده ضلّت متحيره
    ونيـــــــــران خيمهم مشتعله
    ********
    شافـــت عمها وكطـع جفوفه
    بسهم الصابه فاكـــــــد شوفه
    ومطبور الهامــــه ومخسوفه
    مــــن بعده ظــلّـــت متوجله
    *******
    بالطف مــــــا نشفت دمعتها
    مــــــــــن الأهـوال الشافتها
    ولاذت مهمومــــــه بعمتها
    وهم البيها مــــــا ظن يجله
    *******
    هــــــــــاي الليله إلها المأتم
    نذكــــــــر لمصيبتها ونلطم
    الملــــــــه والشيعة ولينظم
    مــــــــا ينسوها وإلهم قبله
    ******
    الله يرزقنــــــــــــه زيارتها
    ونوصلها نقـبّــــــــل عتبتها
    ونعقــد مجلسنـه بحضرتها
    نتوسلها الأمــــــــر تسهله
    ********
    يــــا ربي بخـوله المظلومه
    تندبـــــك شيعتها المهمومه
    عجّـــــــــل للغايب بقدومه
    خــــــل يمليها الكاع بعدله


    الشاعر
    خادم الحسين (ع)
    قاسم حتروش البلداوي
    خادمكم
    أسألكم الدعاء
يعمل...
X