إعـــــــلان

تقليص
لا يوجد إعلان حتى الآن.

وصول الامام الحسين ع الى ارض كربلاء

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وصول الامام الحسين ع الى ارض كربلاء

    خادم الزهراء:
    ناده حسين بهاشم واثنه بعباس الضرغام
    بهالموضع ينزل محملنه بالطف نصبو خيام

    والمكدر. جرى بهالبر
    بالطف نصبوا خيام
    ـــــــــــــــــــ
    لمن وصل ضعن الابا للغاضريه توگف
    ناشد حسين اعله الارض. شتتسمه وتتوصف
    كالوله هذي نينوى. والغاضريه والطف
    وآخر اسمها كربله دون الارض تتعرف

    إسترجع ريحانة طه. وضل يجذب حسرات
    أرض الكرب وأرض المحنه وبلاد الويلات
    …… . جرى بهالبر //بالطف نصبوا خيام
    ـــــــــــــــ
    صار الامر وتحاشمت شبول العلى والنخوه
    حطت محاملها بعجل بهالوطن صار المنوه
    يراقب ابو اليمه الكمر. راعي العز والسطوه
    يكله المجد مذخور الك مشكور خويه وتگوه

    يابن حيدر وفر حيلك. يالبيك التمكين
    لتطول نصبة صيوانك بالعاشر ماشين

    حرگ و اكثر جرى بهالبر // بالطف نصبوا خيام
    ـــــــــــــــ
    حين السمع هذا الحجي كام ولخيه ادنه
    فدا بروحه وانحنه. لسيد شباب الجنه
    آلمني منك هالخبر. سولفلي اكثر عنه
    تدريها المن تنبني؟ وليا اسم تتچنه؟

    ادري بخيمة زينب هذي. المتعنيه برجواك
    لكن من توگع يعضيدي. خويه تطيح وياك
    تشوف الشر. جرى بهالبر // بالطف نصبوا خيام
    ـــــــــــــــ
    بهذا الوطن يگضي العمر. وتسيل بيه إدمانه
    ويصير موطن للحزن يابا الفضل عنوانه
    شچم يوم وتظل عالنهر. چف التشيل إلوانه
    ويظهرها نكباته الدهر. أكثر من الراوانه

    أطفالك تتراكض بالبر. تكصدها الضلام
    وتتسلم من تالي العيله بهذي الصحره تنام

    عطش والحر جرى بهالبر // بالطف نصبوا خيام
    ـــــــــــــــ
    ويحمّل إردود الضعن لچن كلف ممشاهم
    وعالگاع تبقى رايتك وبيهم تسير اعداهم
    ويسبوهم لديرة غرب. وراسك وراسي وياهم
    ومن عكب راسك ياشهم. المن بعد نخواهم

    چتالك عباس اليحدي. والي يوگف النوگ
    من الهِزّل لو طاحت طفله. منهو ايردها لفوگ

    سبي الخدر جرى بهالبر // بالطف نصبوا خيام
    أشهد ان عليا ولي الله

    و أحنه غير حسين
    ما عدنه وسيله

  • #2
    عظم الله أجوركم وبارك الله بكم أخ ابو زينب الظالمي

    تعليق


    • #3
      احسنتم إبداع نسألكم الدعاء لي ولوالدي بحق محمد واله صل الله عليهم وسلم وعجل فرجهم وإلعن اعدائهم

      تعليق


      • #4
        اخوتي الأعزاء اشكر مروركم الكريم وفقنا الله وإياكم لخدمة سيد الشهداء عليه السلام
        أشهد ان عليا ولي الله

        و أحنه غير حسين
        ما عدنه وسيله

        تعليق

        يعمل...
        X