طلب حاجه من الحسين عليه السلام

[الشاعر محمد العيساوي]

بلهفه اعتنيت وعبره .... وجيتك يروح الزهره
من الهظم اشكيلك ...هايم واصيح ادخيلك
جيتك يروح الزهره
يبو السجاد اجيت ودمعتي بعيني
يل بذكرك كضيت ايامي وسنيني
تحت كبتك دعيت الله يشافيني
وادري الله اعله جاهك كلشي ينطيني
يحسين اجيتك عناي ...وللباري شخصك رجواي
عكب العمر شهديلك .. هايم واصيح ادخيلك
.....
افخر دوم جنت بهاي عالوادم
كضيت سنين عمري لمنبرك خادم
بالدارين اخدمك اني مو نادم
كل عمري بخدمتك واخدم القادم
عز وفخر هالخدمه ...وباللطم صدري موسمه
كل العمر افديلك ...هايم واصيح ادخيلك
........
اجيت اشكي الك يحسين هم روحي
يل من ادخل ضريحك يشفن جروحي
عله مصابك ابد ما بطلت نوحي
تحن روحي واكلهه الحضرتك روحي

نجري الدمع يم حسين... ويمه نمد الجفين
وعن الجرالي احجيلك... هايم واصيح ادخيلك
.....
يبو السجاد اصيحن والكلب مالوم
الك خادم كضيت سنيني يا مظلوم
بطلب حاجه اجيتك اني هذا اليوم
من العله انحرمت اني لذيذ النوم
انته الطبيب وجيتك... ضيف واجاك البيتك
عن علتي شحجيلك... هايم واصيح ادخيلك
....
احلفك بالرضيع ولوعته ونحره
وبخدر العقيله وفاطمه الزهره
اريد من المرض يحسين هذا ابره
وارد لخدمتك دوم اكتب واقره
وللمجلس احضر كل يوم ...وابقه بخدمتك للدوم
عيوني بهظم تبجيلك... هايم واصيح ادخيلك

[المترجمة]

ياحسين دخيلك

[محب المجتبى]

جيتك واريدن حاجتي ... تقضيها هي وغايتي

كهفي وملاذي وجنتي ... حسين وفلا اوفيلك

واكف واصيح دخيلك



الاخ والاستاذ الشاعر محمد العيساوي

صح لسانك وربي يقضي حوائجك بحق الحسين وابيه وامه واخيه ..