إعـــــــلان

تقليص
لا يوجد إعلان حتى الآن.

قصيدة لزيد الشهيد

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة لزيد الشهيد

    زيد الطفوف نادتك --- إنهض وفجِّر ثورتك
    ياشبلألأحرار --- جرِّد البتار
    إنهض وفجِّر ثورتك
    ---------------
    إتفرْعِـنت أحــفاد أمــيّه --- جــارت وعتِّمَت ضلـــها
    وحَكُّمَت سيف المجاعه --- أعله الذي يحارب دجلها
    غرست ابكل جسم مخلب --- بالرفضـها او ما قِبـلْها
    وعله ارگاب الشرف سلّت --- سيفها وصارت تذلها
    شبحت اعيون وتنتظر
    يمته ترف راية نصر
    تنقذ الناس التحتضر --- والذي إتمنّت أجَلْها
    إتمنت الناس إلطلعتك --- وتحمل الرايه ابيمنتك
    هالناس شتريد --- منّك يصنديد
    إنهض وفجِّر ثورتك
    --------------- 1






    إتكالبت عالناس حفنه --- إشعدها غايات ومآرب
    جلبت الهم والتعاسه --- وهاذي عدها من المناقب
    إتقمّصت ياثوب تدري --- ثوب عذري ولّه غاصب
    امصنّفه ابجدول فعلها --- هذا حاقد هذا ناهب
    إبمفهومهاإيحل النهب
    إبكل مغنمه شصها تذب
    مايعرف الغير الـچذب --- ومن تسمعه اتـول راهب
    إبيا حيله تدري باگتك --- إبيا جيب تدري ضمّتك
    وينك يمغوار --- گص چف الاشرار
    إنهض وفجِّر ثورتك
    ----------------- 2
    صار وضع الناس قاسي --- والألم ياكل جسدها
    وتـعرف الجـلاّد حاكم --- بيده سوط اللي جلدها
    اعله الظُلم غضّت طرفها --- تاهت وتيهت رشدها
    والذي يطالب إبحــها --- إتعوفه وتْعين إليضدها
    إلسكتتها خلها تنتقد
    ماسمعت الصوت المجد
    إتْشَمِّر اذراع وتستعد --- إتساندالعزها ومجدها
    استعد واعلن نصرتك --- للذي يضحّي العزّتك
    لاتمشي بهواك --- خل عندك ادراك
    إنهض وفجِّر ثورتك
    -------------- 3
    دمعه مــن الطف تسولف --- إلــك يــازيـــد المآثــر
    بالجره اعله اهلك تخبرك --- من ظلم طاغي وجائر
    هاك اسمع يخو الباقر --- صوت دوّه من المناحر
    إنهض وجرّد حسامك --- وارسم ابسيفك مناظر
    غيّمها خل تمطر غضب
    واصليها نــــيران ولهب
    ابدوّامه خليها وتعب --- وجهده مايتعب الثائر
    الثار الطفوف رادتك --- عالكوفه أنشر رايتك
    ياذخر الامجاد --- كسِّر الأصفاد
    إنهض وفجِّر ثورتك
    ------------------ 4
    قرر واحـــزم لأمــره --- واعلن الســاعة جهاده
    يحصد انفوس الخبيثه --- حان موسمها الحصاده
    والغفت عينه اعله ذلّه --- خلّه ينهض من رقاده
    هذا يوم البيه يثبت --- على الحـگ ابلا هواده
    المايرضه بالذل والظلم
    ليصــير للحاكم طعم
    لو گال شعليّه جرم --- صار بالطاغي اعتقاده
    إنتفض عاللي سلبتك --- ميّز واعرف قادتك
    إرفض المحتال --- كسّر الأغلال
    إنهض وفجِّر ثورتك
    ------------------ 5
    شرّعت للثوره مبدأ --- من فكر جدّك الظامي
    لهبه من نار المخيّم --- تحرگ الفكر الظلامي
    واهتفت وبعالي صوتك --- إلك ياجدي سلامي
    إنـتقم مــن آل اميــــّه --- لجل هالدين انتقامي
    من آل اميّه أنتقم
    متهمني لاخيل وزلم
    اعله ارگـابهم سيفي يِهِم --- هذا عنواني ومرامي
    ناديت والكل سمعتك --- للعدل والحـگ نهضتك
    بالحـگ يمقدام ---إسحـگ الظلاّم
    إنهض وفجِّر ثورتك
    ------------------ 6
    جرِّدت سيف الضلاله --- الكوفه ضدّك يخو الباقر
    إتهيئت للحــرب كلها --- وســــلّت اعلـيك البـواتر
    وانته سيف الحـگ يمينك --- يرهب الفاجر الغادر
    صوّلت عالـوم تهتف --- عالعمت منها البصائر
    حكُّمَت لأقواس الكفر
    وبجبهتك سهم الغدر
    هالناس يادم إتْهَدُر --- ارتكبت الأعظم كبائر
    والكوفه وحدك خلِّتك --- إتعَمِّدت هيّه الـچِتلتك
    لاتظل محتار --- يالتطلب الثار
    إنهض وفجِّر ثورتك
    ------------------- 7
    ألمصـــــــــــــيبه
    --------------------
    ظل ابو يحيى يعاني --- السهم صوّب جبهته
    صعب مطلاعه وينازع --- روحه ويّه طلعته
    فاضت الروح الأبيه --- الكوفه طفّت شمعته
    والأشد وأعظم جريمه --- سنين اربع صلبته
    من بعد صلبه الغدرته
    ابيا حقد حرگت جثّته
    وبعد إلحَرِگْها ذرّته
    إلحرگواإبنار المخيّم --- إلجثّتك يازيدحرگوا
    ----------------------

    خادم الحسين ع
    السيد هادي الحمامي
    بالله اعتصامي/// سيد هادي الحمامي

  • #2
    ياحسين
    احسنتم القصيدة الحسينية المباركة
    ماجورين

    تعليق


    • #3
      عاشت الايادي ع النقل
      ننتظر الجديد منك
      تحيتي













      تعليق

      المحتوى السابق تم حفظه تلقائيا. استعادة أو إلغاء.
      حفظ-تلقائي
      Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
      x
      يعمل...
      X