تويت
يوم الاربعين
عله مد البصر تسرع خطاها الناس
مشـايه اعتنت لحسـين عالفطــره
لان ســرك وجــود بعالــم التكـوين
لذلك فـي وجـودك الجميع أســـره
المسافات انتهـت ذوبها حـد الشوگ
القياس الكـل مسافه ينتهــي بنظره
خطوات المحب تتسابگ ويه الروح
يالحـبك عجيـب بمـبـدأه او ســـره
عله دربك تحـف ياسيدي الامــلاك
وكل خطوه بطريقك اصبحت ثوره
تزحف الك زحـف يبن النبي الزوار
شيب او شاب هذا الزحف شتصوره
شايب يتچي وعوجيته تعب سنين
أوعين الكربله تخطـت مـدى عمــره
كتله ارتـاح جدي تغده واشرب جاي
باوعلـي أودمعته سبگـت الحســره
جـر ونة بحــزن زادت لهيب حشاي
يسـولفلي وحـس مخنوگ بالحسره
باجــر زينب يردوهـــا من الشـــام
تــرد من اليسر بت فاطمه الزهــره
اريد أتلگــه زينب بالعــزه والنــوح
على اخوتها العقيله طالت الســفره
اذا باجر تجي وتنشد عله العطشان
تشــوف الدنيــا كلهــا لاذت أبگبــره
اريد اوصل گبلهــا واخـبر العــباس
اگـله اختك اجتك ياكـافـل الحــره
🗼🗼🗼🗼🗼🗼
اجت زينب اخبـره والگـلب مكسور
وتجبر بالخـواطـر وهيه منكســره
غيـرة حيــدره والكافل النومـــاس
شعجب خلاها بين اجناب متحيره
كسر گلبي ومشه خطواته كلها هموم
بيه غصــة وحجي ماتگــدر تفسـره
ثگيله مشيته بنگلة اجدامه آهــات
أو همسات العشــگ بزيارته يقــره
مجــد يا كــربله يا كعـــبة الــزوار
باجــر الــج غايب يطــلع بنصــره
ياخــذ ثـار نبله وكل ضلع مكسـور
ثــار حســـين ذاگ المنگطع نحــره
********
ابو سلام الفتلاوي
🗼🗼🗼🗼🗼🗼🗼🗼🗼🗼
عله مد البصر تسرع خطاها الناس
مشـايه اعتنت لحسـين عالفطــره
لان ســرك وجــود بعالــم التكـوين
لذلك فـي وجـودك الجميع أســـره
المسافات انتهـت ذوبها حـد الشوگ
القياس الكـل مسافه ينتهــي بنظره
خطوات المحب تتسابگ ويه الروح
يالحـبك عجيـب بمـبـدأه او ســـره
عله دربك تحـف ياسيدي الامــلاك
وكل خطوه بطريقك اصبحت ثوره
تزحف الك زحـف يبن النبي الزوار
شيب او شاب هذا الزحف شتصوره
شايب يتچي وعوجيته تعب سنين
أوعين الكربله تخطـت مـدى عمــره
كتله ارتـاح جدي تغده واشرب جاي
باوعلـي أودمعته سبگـت الحســره
جـر ونة بحــزن زادت لهيب حشاي
يسـولفلي وحـس مخنوگ بالحسره
باجــر زينب يردوهـــا من الشـــام
تــرد من اليسر بت فاطمه الزهــره
اريد أتلگــه زينب بالعــزه والنــوح
على اخوتها العقيله طالت الســفره
اذا باجر تجي وتنشد عله العطشان
تشــوف الدنيــا كلهــا لاذت أبگبــره
اريد اوصل گبلهــا واخـبر العــباس
اگـله اختك اجتك ياكـافـل الحــره
🗼🗼🗼🗼🗼🗼
اجت زينب اخبـره والگـلب مكسور
وتجبر بالخـواطـر وهيه منكســره
غيـرة حيــدره والكافل النومـــاس
شعجب خلاها بين اجناب متحيره
كسر گلبي ومشه خطواته كلها هموم
بيه غصــة وحجي ماتگــدر تفسـره
ثگيله مشيته بنگلة اجدامه آهــات
أو همسات العشــگ بزيارته يقــره
مجــد يا كــربله يا كعـــبة الــزوار
باجــر الــج غايب يطــلع بنصــره
ياخــذ ثـار نبله وكل ضلع مكسـور
ثــار حســـين ذاگ المنگطع نحــره
********
ابو سلام الفتلاوي
🗼🗼🗼🗼🗼🗼🗼🗼🗼🗼
